Emirates-a kalte tan ZSE inhawng

United Arab Emirates (UAE) a hna thawka awm Zofaten an din Zo Society of Emirates chuan UAE-a zin emaw hna thawk tura kal hriatchian duh nei leh harsatna nei tan an inhawng reng tih an sawi.
Zo Society of Emirates (ZSE) chuan tunlai social media lama UAE-a housemaid chungchang buaina awm thar leh chu, kum 2019 daih tawhah mipui hriat tur hrilhhriaa an lo beih tawh thin kha a ni tih an sawi a. Kum hmasa lam daiha thu post tawh, tunhnaiah a darh avang leh an hruaitu kalchhuak tawh ten phone call/ message an dawng nual tih an hriat avangin, tuna hruaitu ni mekte biak theihna number tarlan thar thaa an hriat thu a sawi.
ZSE hi kum 2008-a din niin, a din tirh atanga tun thlengin harsatna leh buaina hrang hrang nei anmahni betute chu theihtawpin an lo pui tawh thin a, an la pui mek zel tih a sawi a. Zofa zingah zinmi leh ram pawna hnathawh tur zawng kan lo tam ta a, UAE-a zin tur emaw eng hna pawh thawk tur emaw, hriatchian duh leh harsatna tawk an awm chuan heng contact number – ZSE president Mesak Lalrampana Hauchhum (+971 561755141) leh ZSE secretary Lalchawimawia (+971 55673396) ah biakpawh theih an ni tih an sawi.