Enchhin sawrkar hi Congress sawrkarna tura kawng sahna – MPCC president

Enchhin sawrkar hi Congress
sawrkarna tura kawng sahna
– MPCC president
Enchhin sawrkar chu an sawrkar lehna tura kawng sah kuak sakna a ni tih Congress hruaitu Lal Thanzara chuan a sawi.
Mamit district tlawhtu MPCC president Lal Thanzara hian Nilaini khan NLUP tanpuina atanga kuhva leh rubber chinga eizawnna ngelnghet neite a hmunah a tlawh a. Mipuiin ZPM enchhin an chak a, hei hi Congress a sawrkar lehna tura kawng sah kuak sakna nia a lan thu a sawi.
“Enchhin sawrkarin mipui beisei a phak lo hle a, Congress party Mizoram tana a lo thatzia tifiahtu a ni,” a ti.
Tawngkam dengkhawng taka Congress Bhanan a lilam tur thu sawitu chuan a inzawrhna anga ti thei si loin, kuthnathawktute harsatna thlentu smuggling thil mipui hriat lohin an lilam mek tih Lal Thanzara hian sawiin, “Kuhva lang loin thla a lak theih loh, tih khawpin Hachhek tlangdungah NLUP chingtute an hlawhtling a, dinhmun nuam takah an din phah a ni. Mahse kuhva tawlhruk hmangin MNF leh ZPM sawrkarin a tihchhiat sak a ni,” a ti.
Congress a sawrkar loh chuan hnam hnufual leh tlem zawkte an him loa, mipuiah sum lengvak a tlem a, ruihhlo ti leh ruihhlo zawrh a hluar a, khawtlang nun a him lo niin MPCC hruaitu hian a sawi. Congress party chu miretheite lamtang, kan ram kan hnam leh sakhaw tan a ni, tiin, ZPM leh MNF party ruahmannaah khawpuia miretheite leh thingtlang mite an tel loa, kuthnathawktute tan mangchhia an ni tih a sawi.