END/Police-in heroin man

September 4 leh 5 khan Excise & Narcotics Department leh Mizoram Police chuan heroin an man.
September 5 chawhma dar 10.10 khan P&E Veng Serchhipah END hian heroin gram 915 & mg 400 (hawng 79) leh a neitu nia puh mi 5 – Md. Muslek Uddin (23), Abul Khayer Mohammed (37), Sahin Ahmed (27) leh Sirajul Hoque (25) Karimganj Assam vek leh Abdul Karim (35) Tripura nia inchhalte chu an man. Heroin phurhna atana hman lirthei pahnih – Bolero AS 11V 5670 leh Maruti Alto car AS 10B 1115 pawh hrensak an ni. Heroin hi Mizoram pawna hralh tum an ni.
September 4 khan Ngopa Police Station chuan police check gate-ah lirthei endikin, heroin kg 1.455 (hawng 120) chu Alto car MZ 04 A 8087 hmanga Kapthawlthanga (18) leh Thangchinkhupa (28) New Champhai ve ve nia inchhal ten Champhai atanga Ngopa road kaltlanga an phurh chu an man.
Heroin vanga mante lakah hian ND&PS Act hnuaiah thubuai ziahluh a ni.