END/ Police-in heroin man
Ni hnih kalta chhung khan Excise & Narcotics Department leh Mizoram Police chuan heroin engemawzat an man.
Excise & Narcotics Department leh 42 Assam Rifles Champhai Camp tangdun chuan August 31 chawhnu dar 3.15 khan Champhai Bethel Vengah heroin gram 852.160 (hawng 70) leh a neitu nia puh Thangsanglian (38) Bulfek Myanmar-a khawsa nia inchhal an man. Hemi ni vek tlai dar 5.30 ah Champhai to Aizawl Road-ah heroin gram 60.200 (hawng 5) leh a neitu nia puh Lalrinmuana (32) Khawzawl Vengthar nia inchhal an man bawk.
Hnahthial Police leh Anti-Drugs Squad Electric Veng YMA Hnahthial tangdun chuan August 31 khan heroin gram 655.48 (hawng 56) chu Lalrempuii (29), Model Veng Hnahthial nia inchhal kut atangin an man a. August 31 vek khan Special Narcotics Police Station chuan Zarkawt Aizawlah heroin gram 85.670 (hawng 7) chu Lalhlimpuii (27) Zailian, Karimganj district Assam, tuna Lawipu Veng Aizawl nia inchhal kut atangin an man.
Heroin man hi ND&PS Act hnuaiah thubuai ziahluh vek a ni.