END thawktute chhel turin fuih

END thawktute chhel turin fuih
Excise & Narcotics commissioner Z Lalhmangaiha endikna hnuaiah Hnahthial District Assistant Commissioner Office-a thawktute tan Thawhtanni khan annual inspection neih a ni a. Mamawh leh duhzawng sawina hun – Durbar hman a ni.
Commissioner chuan, Hnahthial district tiamin district thar office tin chu sawrkar duhsakna azarah assistant commissioner awpin a awm ta tih a sawi a. Hnahthial district-a an office pawh mahnia inrelbawlna hran an neih theihnan sawrkar kum tharah LOC charge an neih hman ngei a beisei tih a sawi.
Transfer and posting chungchangah, uluk taka ngaihtuah hnuah department thatna atan bakah transfer turte chhungkaw dinhmun en chungin siam a ni thin tih a sawi a. Awmna hmun hrehawm deuh pawh nise, puitling taka tuar zel tura fuihin, “Quantity-ah tam lo mah ila, quality lam ngaipawimawh ila, mahni hna theuh hlim tak leh zah taka thawk chungin lungawi tak leh chapo loin thawk ang u,” a ti.
Tun dinhmunah Hnahthial District Assistant Commissioner of Excise & Narcotics Office-ah hian thawktu 10 awmin, assistant commissioner hona hnuaiah OC pakhat, SI pakhat, head constable pakhat, constable panga leh 4th grade pakhat an awm a. Constable pakhatin a zawm belh thuai tura beisei a ni.