Eng vangin nge interim budget pharh a nihna chhan?

Kum 2024 Lok Sabha inthlan neih hma in Modi sorkar chuan Feburary 1 khan interim budget a pharh a. Union Finance Minister Nirmal Sitharaman chuan tun hnai kum nga chhungin budget a pharh ta a ni. Interim budget hmang hian tun fiscal year thla li chhunga hman tur chauh pawm a ni dawn a ni.

Eng vangin nge interim budget?
Indian Constitution Article 112 in a sawi angin Government of India in financial year chhunga sum a hmuh tur leh dawn tur a hisap chu a pharh a ngaia chu chu ‘annual financial statement’ tih niin House pahnihah pharh tur a ni. Centre chan House pahnih te atangin Consolidated Fund of India atanga fund a mamawh te lak theihna remtihna a ngen a ngai a, chu chu House pahnihin an remtih a ngai a ni.
Mahse, inthlan kumah chuan sorkar lai mek chuan full Budget a pharh a rem lo va, a chhan pawh inthlannaah sorkar thar a awm theih vang a ni. Chuvang chuan interim budget chu tihmakmawh a ni ta a. Constitution in interim budget a sawi lan loh avangin Centre chuan sorkar inthlak thleng lai (April-July) chhunga fund hman mamawh te remtihna Lower House atangin a la thin a, sorkar thar chuan full budget a ruahman zui thung dawn a ni.

Eng nge interim budget chu?
Constitution Article 116 chuan Lower House chu financial year khat chhunga hun bika sum sen remtihna vote la a pawm theihna a pe a chu chu vote on account tih a ni. Lok Sabha chu chutiang atana sum hman tur Consolidated Fund of India atanga pek theihna thuneihna chu a nei a ni.
Vote on account hmangin Centre in a hnathawkte hlawh te, project kalmek chhunzawmna tur te sorkar inthlak laia vela sum sen ngai tur thilah te atan Lok Sabha-ah debate nei lova pawm mai thin a ni. Mahse, tax rate a thlak danglam a rem lo va, interim budget chu thla hnih atan chauh tur a ni a, thla li thlenga pawhsei theih a ni thung.
Mahse tun hnaiah chuan sorkar lai mek chuan vote on account aiah interim budget chu an kalpui ta zawk thin. Interim budget-ah chuan Finance Minister chuan Indian economy dinhmun a sawi lang ang a, a sum dinhmun dik tak te leh nakum lama India revised estimate growth (tunah chuan FY 25 April 2024-March 2025) Chu mai bakah sorkar planned leh non-planned expenditure leh receipt-te pawh kimchang takin a tarlang bawk ang. Centre chu interim budget hmangin major scheme engmah a kalpui remtih a ni lo va, mahse, sorkar chuan interim budget kaltlangin tax rate a revise erawh remtih a ni thung.

Union Budget nen a danglamna
Union Budget-ah chuan Finance Minister chuan House pahnihah February 1 ah annual financial statement a pharh thin a. He document hi tunah chuan paperless ni tawhin member tinte hnenah pek vek niin Minister chuan Budget speech hmangin point pawimawh te a thurchhuak thin. Minister chuan central scheme hmanga sector hrang hranga hnathawh zawh tawh te, scheme thar turte leh chunga sum dah te, department hrang hrang te fiscal year thara an tihtur bituk te a sawi a. Minister chuan house chu ram economy dinhmun dik tak hrilhfiahna nei bawkin, growth projection, fiscal deficit leh sorkarin tax leh cess atanga sum a lakluhna tin te sawifiahna a nei thin.
Budget document chu House pahnihah pharh niin president hnena remtihna lak hmain pawm ve ve phawt a ngai a. Budget chu Lok Sabha in a pawm lo a nih chuan Prime Minister leh a Cabinet te chu an ban ngei a ngai bawk.
Chutiang bawkin interim budget chu February 1 ah Finance Minister in pharhin vote lak zui a ni a, president remtihna la tura thawn nghal a ni. Indian economy dinhmun dik tak te, projection a neih te leh June/July 2024 thlenga sorkar sum sen zat tur te tarlan a ni a. Union budget dang ang bawkin interim budget chu pawm a nih hmain Lok Sabha-ah debate a ni thin a, sorkar inthlak hma lawka hman tur a ni chungin kum khat chhung a nung thung.