England an champion nawn leh

Pathianni zan khan UEFA Women’s European Championship final khelh a ni a. St. Jakob-Park a inkhel hmuhnawm takah England hmeichhiate chuan Spain nula te chu penalty shoot-out a hnehin an champion nawn leh.
Final-ah champion lai England in bul an Tan Tha lova, goal chhuah hmasa zawkah an Tang. Inkhel Tan aTanga minute 25-naah Mariona Caldentey chuan Spain hmahruaina goal a thun. Caldentey goal thun hmangin Spain hian hun rei tak chhung hma an hruai a, si khat faia hmahruai chungin chawlhlawk an hmang.
Chawlhlawk hnu lamah England an khel Tha ve thung a, goal pawh an thun thuai. Minute 57-na lekah England tan Alessia Russo chuan goal thunin an si phurh a sut. 1-1 a nih hnuin inkhel a hmuhnawm zui viau a, goal thun tumin an innawr tawn nasa hle. Spain in champion lai England hneh theihna hun Tha nei bawk mah se an chhawr Tangkai zo lova, an hun Tha neih an hlah. Champion lai England pawhin goal thun theihna hun Tha nei bawk mah se goal-ah an chantir thei bik lova, hun pangai leh extratime-ah chak zawk an awm thei lo. 
Hun pangngai leh extratime-ah chak zawk an awm theih loh vangin tie-break hmangin champion tur zawk tihchian a ni. Tie-break-ah England in bul an Tan Tha lova, pet hmasa ber Beth Mead chuan a Thelh. Spain tana pet hmasa ber Patri Guijarro-in pet goal nghal bawk mah se a hnunga pettu pathumin an Thelh vek thung. England tan Leah Williamson chuan Thelh leh bawk mah se thil pawi thui lutuk a thlen tawh lova, 3-1 chakin an champion zui ta a ni.
England hmeichhe team hi kum 2022 khan Wembley Stadium-ah ngei an lo champion tawh a, Wembley stadium-a an champion na goal thuntu chu Chloe Kelly a ni. Chloe Kelly bawk hian Spain lakah England champion na goal a thun leh ngat a, a zawnin an ram a champion pui a, hnuhma Tha tak a hnutchhiah. England hi manager Sarina Wiegman hnuaiah an vul hle. Inelna liana champion puitu a nih vangin Wiegman hi hmeichhia mah ni se England mipa team enkawl tura awttu an tam viau tho.
Hmeichhe Euro khelh zawh takah hian Spain midfielder pawimawh, Ballon d’Or kawl mektu Aitana Bonmati chu player Tha berah thlan a ni. Nawmsam lohna vangin Bonmanti hian Euro 2025 game hmasa pahnihah bul a Tan lova, bench aTangin a lut ve ve. A tir lamah bul Tan lo mah se inelna a rei a, a langsar tawlh tawlh thung a, semi-final-a Germany an hnehna goal a thun ta hial a ni. Champion zo ta lo mah se Spain in mimal lawmman pahnih an dawng. Player Tha berah Bonmati thlan a nih rualin inelna neih zawh taka goal li thuntu Esther Gonzalez chu Top-scorer a ni.
Spain player pahnihin mimal lawmman hlu tak an dawn lai hian England tleirawl Michelle Agyemang chu tleirawl Tha berah thlan a ni ve thung. Agyemang hian Euro khelh zawh takah minute 138 a khel a, goal hnih a thun. A goal thunte hi quarter-final-ah Sweden laka an si phurh sutna goal leh semi-final-ah Italy laka a thunte a ni.