Daily Newspaper

Engtin nge allergy i enkawl ang?

458

Allergy chu kan taksain natna a dolet theihna (immune system) pawnlam thil eng emawin a tihbuai vanga awm a ni thin a, kan ran vulh hmul te, vaivut khu te, pangpar chi mê (pollen) leh thildang vang te pawh a ni thei. Mi chi hrang hrangah a thawh dan a inang lo a, allergic reaction thlentu pawh a inang lo. Tun tumah hian Internal Medicine Specialist Dr. hardik Thakker-a’n allergy enkawl dan tha ni a a sawi te kan rawn tarlang e.

Antibodies chu kan immune system-in kan taksa rawn beih tumtu natna hrik te lak atanga min veng tur leh lo bei let tura a lo tihchhuah ve a ni a, allergen hrang hrang nena a intawnin kan immune system chuan antibodies hi a tichhuak thin. kan immune system chuan ellergen engpawh mai hi an hlauhawm kher lo a nih pawhin hlauhawm enin a lo en thei a, chuvang chuan kan vun, thawkna kawng, digestive system emaw sinus emaw te chu a lo vûng (inflamed) ta thin a ni.

Allergy chu a nasat dan a inang lo thei a, thak satliah atanga nunna atan pawha hlauhawm te pawh a ni thei. Allergy hi tireh theih a ni meuh lo a, mahse, a allergy symptom tiziaawm tura enkawl theih a ni ve thung.

Allergy trigger-tu tlanglawn deuh te chu:
– Boruak a allergen leng vel chi- vaivut khu, in ting, kawmkar hmuar khu, ran hmul leh pollen
– Eitur thenkhat a bikin bawnghnute, artui, sangha, bekang, wheat, badam
– Rannung seh khuai zûk tih ang chi
– Damdawi thenkhat a bikin penicillin atanga siam antibiotics emaw penicillin
– Thil hnai emaw, allergen eng emaw khawih fuhin vun infection a siam thei

Allergy symptom chu a allergy a zirin a danglam thei:

Hay fever (allergic rhinitis) symptom-ah chuan- hahchhiau; ka chhung, mit leh hnar thak; hnaptui; mit sen, mittui tla, mit vûng (conjunctivitis).

Food allergy symptom-ah chuan- Ka chhung zâ; hrawk tawt, hmai leh lei emaw hmui emaw vûng; vun bawl/vual sen thak; anaphylaxis (allergic reaction hlauhawm, nunna atan pawh hlauhawm thei).

Rannung seh/zûk avanga allergy symptom te chu:

A sehna hmuamhma a vûng; vun bawl/vual thak; thawk harsa, thaw ri deuh têp têp, khuh emaw awmbawr tawt riau hriatna; anaphylaxis (allergic reaction hlauhawm, nunna atan pawh hlauhawm thei).

Damdawi allergy symptom te chu:

Vun bawl/vual sen thak; hmai vûng; pang thak; thaw ri deuh têp têp; anaphylaxis (allergic reaction hlauhawm, nunna atan pawh hlauhawm thei).

Atopic dermatitis (skin allergy) symptom te chu:

Thak; vun sen; vun khawk/ inlip.
Allergy chu engtia enkawl tur nge?

Allergy enkawl dan chi hrang hrang a awm a, chung zinga hriat atana pawimawh te chu-

Allergens pumpelh tum hram hram tur. Doctor-in engin nge i allergy chawk tho thei allergen te chu a hrilh thei ang che. Hei hi allergic reaction lo awm tur inven nan a pawimawh hmasa a, chu chu a symptom tih ziaawmna a ni.

Allergic symptom tihziaawmna damdawi hrang hrang a awm a, mit thlawr, hnar thlawr leh a ei chi te pawh a awm a, heng hi doctor-in allergic symptom tiziaawm turin an chawh thin.

Immunotherapy- allergy chu a nasat emaw a enkawlna dawnin a symptom a tiziaawm thei lo emaw a nih chuan allergen immunotherapy an ti thin. hetiang treatment-ah hi chuan allergen hrang hrang injection an la thin.

Emergency Epinephrine- allergy nasa, nunna atan pawha hlauhawm thei ang chi-ah chuan doctor-in emergency epinephrine shot an pe che ang a, chutiang i kalna apiangah pai zel theih tur chi a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy