Environment kaihhnawiha
MLA tawngkam thaireh duh
Assembly Session-a environment kaihhnawiha MLA thenkhat tawngkam chu House record atanga thai reh turin environmental NGO-ten Assembly speaker an ngen.
Mizoram Environmental NGOs Coordination Committee chuan Assembly House-a member-ten ramngaw leh tuihna humhalh kawngah mipui rilru hruaikawi thei thil an sawi nia sawiin, hengte hi record atanga paih a nih theihnan hma la turin Assembly speaker an ngen a. An ngenna lehkha hi Ningani khan speaker Lalbiakzama hnenah an pe.
ZPM member – Prof Lalnilawma, F Rodingliana leh Lalmuanpuia Punte ten ramngaw humhalh chuan tuihna a siam kher lo, ti zawnga House-a an sawi chu India danpuia sawrkar mawhphurhna, Directive Principles of State Policy (Article 48A) leh mipui dikna chanvo – Article 21 bawhchhiatna thil nia a lan thu thlenin, environment humhalh kawnga Mizoramin kawng dik a zawh zel theihnan leh sawrkar leh mithahnemngaite hmalakna a kaltluan zel theihnan heng an thusawi hi House record atanga paih nise, tiin an ngen a ni.
Heng thu hi India danpui Article 51A(g) in mawhphurhna a pek angin, inthlahrung takin an thlen tih an sawi a. An ngenna hi Assembly speaker-in bawhzui sak tur leh a tul anga hma a lak sak theih chuan an lawm hle dawn tih an sawi a ni.
Environment kaihhnawiha MLA tawngkam thaireh duh
Get real time updates directly on you device, subscribe now.