Eslabon Armado leh Peso Pluma te hla hit ‘Ella Baila Sola’ chu Billboard Global 200 chart-ah a No.1 a, he chart-a kar nga a No.1-na a ni ta. Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian official-only streams (subscription leh ad-supported audio leh video music services)leh download sales te chu tehna pawimawh a ni.
Eslabon Armado leh Peso Pluma ‘Ella Baila Sola’ hi kar khat chhungin ram hrang hrang 200 chuangah stream maktaduai 76.2 leh sales 2,000 a la tling a, hei hi chart-ah a kar nga nan a No.1 pui leh ta a ni.
Bizrrap leh Peso Pluma ‘Bzrp Music Sessions, Vol.55’ chu stream maktaduai 78.3 leh sales 1,000 tlingin, No.2 a ni a, Bizarrap le Peso Pluma te tan he chart-a top 10 kai thei hla pathum an neihna ve ve a ni a, Peso Pluma hi chart No.1 leh No.2-ah a rualin a lang ve ve bawk a ni.
K-pop group Fifty Fifty ‘Cupid’ chu No.3-ah bawk a awm leh a, chart No.1 hlui Bad Bunny ‘Where She Goes’ chu No.5 atangin No.4 a kai thar leh a, Yng Lvcas leh Peso Pluma ‘La Bebe’ chu No.2 atangin No.5-ah a tawlh a, tihian Peso Pluma hi chart top 5-ah hla pathum hmangin a rualin a lang thei a ni.
Dave and Central Cee hla thar ‘Sprinter’ chu stream maktaduai 44.4 tlingin No.9-ah a debut a, he hla hi Dave leh Central Cee tan he chart top 10-ah an lan vawi khatna ve ve a ni.
Billboard Global 200 Top 10:
1 Ella Baila Sola- Eslabon Armado X Peso Pluma
2 Bzrp Music Sessions, Vol. 55 – Bizarrap & Peso Pluma
3 Cupid – Fifty Fifty
4 Where She Goes – Bad Bunny
5 La Bebe – Yng Lvcas x Peso Pluma
6 Flowers – Miley Cyrus
7 Un x100to – Grupo Frontera X Bad Bunny
8 Calm Down – Rema & Selena Gomez
9 Sprinter – Dave & Central Cee
10 Idol – YOASOBI
Eslabon Armado leh Peso Pluma ‘Ella Baila Sola’ a la lar ber
Get real time updates directly on you device, subscribe now.
Prev Post