EU head-ah von der Leyen rawt

EU leaders te chuan European Commission head Ursula von der Leyen chu EU top job term hnihna kum nga chhung chelh leh turin Brussels a summit neihnaah an ruat leh a.
Estonian Prime Minister Kaja Kallas chu EU foreign affairs chief atan leh Portuguese prime minister hlui Antonio Costa chu EU summit chairman atan an thlang bawk.
An pathum hian centrist vek pro-EU factions te an ni a. European Parliament chuan thla tharah inthlanna an nei dawn a ni.
Ursula von der Leyen hi Germany a centre-right a ni a, Antonio Costa hi socialist niin Kaja Kallas hi liberal a ni thung a.
Italy Prime Minister Giorgio Meloni chuan sawisel a nei thung a. Summit neih hmain summit chuan hard-right party an party ang te tun hnaia European Parliament inthlana che tha tak te chu hnawlin an awm a ti.
Meloni chuan von der Leyon laka vote-ah a hai zui a, Costa leh Kallas kalh zawngin vote a thlak bawk. Chuvangin mi pathum te European Parliament-in a pawmpui ngei a ngaihna kawngah harstana awm thei a ni.
“European Commission president term hnihna atana min thlawptu zawng zawngte hnenah lawmthu ka sawi a ni,” tiin von der Leyen chuan a sawi a.
Kaja Kallas pawhin Council thlawpna a hmu chu a lawm thu sawiin mawhphurhna turu tak erawh a ni a ti bawk a. “Ka tum ber chu European unity, European interests atana thawh a ni” tiin a sawi bawk.
Antonio Costa chuan Kallas leh von der Leyen te chu fakin, “Kan thawhhona hmangin Europe leh European khua leh tui te hlawhtling takin rawng kan bawlsak ka beisei” a ti a. “Europe leh khawvelin chona nasa tak a hmachhawn mek lai a ni” tiin nomination a hmuh hnuah a sawi bawk a.
“European Union chuan tun hma pawhin nghet takin a ding a, inlugrualnaah chakna a awm tih a hria a, member state te inlungrualna chu ka ngaih pawimawh ber a ni ang a, European Council strategic agenda te tihlawhtling turin kan kal ang” tiin a sawi.
Nikuma prime minister atanga bang chuan Belgium prime minister hlui Charles Michel a thlak ang a. Kallas chuan Spain mi Josep Borrell a thlak thung ang.
European Parliament a right-wing European Conservatives and Reformists (ECR) hotu Meloni chu nomination ngaihtuahnaah hian telh a ni lo va, ECR te hi European parliament a bloc lian ber pathumna an ni.