Israel chuan Lebanon a Hamas te ally Hezbollah te chu vau in, indona lian zawk pumpelh tura tiin chutiang a nih loh chuan Lebanon chu ‘Stone Age hun lai angah a kir leh ang’ a ti.
Israel Defence Minister Yoav Gallant chuan Washington a tlawhnaah Gaza war chungchang sawihona neiin Gaza indona chuan a chhehvel region ah indona nasa zawk a thlen loh dan tur chu ngaihtuah ber pakhat a ni.
Tun hnaiah Israel leh Iran thlawp Hezbollah te inbeihna a nasa tial tial a. Hezbollah te hi Lebanon-a inbun an ni a. Gallant chuan “Indo kan duh lo, mahse, eng pawh thleng thei dinhmun hisapin kan inpuahchah” tiin a sawi.
“Indona a thleng a nih chuan Hezbollah te chuan Lebanon-ah chhiatna nasa tak kan thlen thei tih an hrechiang a ni” tiin a sawi bawk a. Shiite militant group Hezbollah te chu Iran thlawp an nih thu a sawi bawk.
Nikum October 7 a Hamas tena Israel an beih atanga indona chhuah hnuah Israel leh Hezbollah te chu ramri-ah ni tin deuhthaw an inkap a. Tun hnaiah boruak a sosang zual thung.
US Defense Secretary Llyod Austin chuan Israel leh Hezbollah tena indona an kalpui a nih chuan Middle East pumah nghawng chhe tak a nei dawn tia sawiin diplomatic hmanga harsatna chingfel turin a ngen a.
Germany leh Canada te chuan an khua leh tui te chu Lebanon ram chhuahsan turin an ti bawk.
Israel-in Hezbollah te vau na hle
Get real time updates directly on you device, subscribe now.
Prev Post
Next Post