Eurovision Song Contest-ah Kate Middleton-i’n a rimawi thiamthil a entir
2023 Eurovision Song Contest-ah Princess of Wales, Kate Middleton-i’n piano a tum lai video an tilang a, Kate-i hian Joe Price leh Kojo Samuel te phuah instrumental piece a tum a, hei hi nikum Eurovision winner, Ukraine lam chhuak Kalush Orchestra te pawhin an lo perform tawh kha a ni.
2023 Eurovision Song Contest hi Liverpool, UK-ah neih a ni a, anni hian Ukraine aiawhin he international event hi an thleng a ni. Kate-i hian a piano tum lai hian kawrfual pawl, dar bahna pakhat chauh awm a ha a, hei hi Ukraine a support tih a lantirna niin an sawi a, indona avanga rambuai mek Ukraine hian an ram flap rawngah a pawl leh a eng an hmang a ni.
Kate-i hian Windsor Castle-a Crimson Drawing Room-ah he video hi a shoot niin an sawi a, tun hi a rimawi thiamthil mipui hmaa a lantir tum hnihna ni tawhin, December 2021 khan Westminster Abbey, London-a Christmas Eve service-ah Tom Walker zai laiin piano a lo tum sak tawh bawk a ni.
Eurovision Song Contest-ah Kate Middleton-i’n a rimawi thiamthil a entir
Get real time updates directly on you device, subscribe now.
Prev Post
Billboard 21 Under 21 list-ah Olivia Rodrigo, GAYLE, The Kid LAROI, d4vd leh Ayra Starr an tel
Next Post