Event huaihawt-ah mipui ten hma an hruai: Tourism minister

Event huaihawt-ah mipui ten hma an hruai: Tourism minister
Tourism minister Lalrinpuii chuan, kalphung thar hnuaiah chuan tourism lamah hmasawnna thar a thleng chho mek tih sawiin, Event huaihawt lamah mipui ten hma hruaiin, sawrkar chu a fual lai dawmtu (facilitator) ah zawk a \ang chho mek, a ti a; event te pawh sawrkar department-in huaihawt tawh lovin, tender hmangin mithiam zawkte hnenah outsourced \an a ni, a ti bawk.
He thu hi nimina Sialsuk khuain India ram pum huapa “Best Tourism Village, Community Based, 2024” lawmman an dawn lawmna a hmanpuinaah tourism minister Lalrinpuii hian a sawi. Sialsuk khua hian lawmman an dawn hi khawtlang huapin ruai nen an lawm a ni.
Sialsuk khuain India ram pum huapa Best Tourist Village – Community Based Tourism lawmman an dawng thei chu khaw mipui leh khawtlang hruaitute thawhhona \ha vang a nih thu sawiin, chhuanawm a tih thu a tarlang a. Sialsuk khua chu khualzin ten tlawh an chak thlanchhuah zingah telh a nih ngei theihna tura theihtawp chhuahpui turin khawtlang mipuite a sawm nghal a ni.
He hun hmanpuitu Aizawl South III bialtu MLA, Baryl Vanneihsangi pawhin thu a sawi a, thinlung taka Sialsuk khawtlang a lawmpui thu sawiin, Award tam zawk dawng thei tur khawpa hma la chho zel a, tangrual zel turin khawtlang mipuite a fuih bawk.