Ex-MP Ronald Sapa ruang hmuak
April 29-a New Delhi-a thi, Rajya Sabha MP hlui Ronald Sapa Tlau ruang chu Ningani khan Lengpui Airport thlenpui a ni a, Congress party mi thahnem takin an lo hmuak.
Airport chawlhbukah hun tawi hman niin, MPCC hmingin treasurer Dr Lalmalsawma Nghaka’n kuang chungah pangpar a dah a. Senior vice president Lalnunmawia Chuaungo-in thu a sawi.
An tum leh an duh dan ni hauh loin Pu Ronald Sapa Tlau ruang hmuakin an rawn kal tih MPCC senior vice president hian sawiin, Mizoram mipui aiawhin Parliament-ah kum 6 a thu a, Mizoram tan thil ropui tak tak a ti tih mi tamtakin an sawi a, chu chuan a hnathawh ropui zia a tarlang tih a sawi a ni.
“Kan beisei dan chuan hlawhtling takin an zai anga, tha takin ram leh Pathian rawng kan bawl ho leh ang chu kan tih laiin, kan beisei loh angin thil a kal ta hi a pawi kan ti takmeuh a ni,” a ti.
Ram rawngbawl tura sawmtu a ni mai loa, Congress party-a lut tura amah sawmtu a ni Lalnunmawia Chuaungo hian a sawi a. An party tan channa nasa tak a ni a, a hmun ruak hnawhkhah theih a ni dawn lo tih a sawi a ni.
MNF Gen. Hqrs. chuan sunna thuchhuah siamin, ram leh hnam tana an rawngbawlpui, MPCC vice president Pu Ronald Sapa Tlau chu ram leh hnam tana ngaihtuahna thuk tak nei mi, thil tha duh a ni tiin, hetiang mi kan chan ta chu pawi an tiin an sun hle tih a sawi. A kalsan tak a nupui fanaute bakah amah hmangaihtute an tawrhpui tih a sawi a ni.
MPCC, ZPM Gen. Hqrs. leh Congress Thalai Hqrs. pawhin Ronald Sapa sunna thu an lo chhuah tawh a ni.
Ex-MP Ronald Sapa ruang hmuak
Get real time updates directly on you device, subscribe now.
Prev Post