Ex-Servicemen ten larsap sawipui
Mizoram Ex-Services League (MESL) hruaitute chuan Thawhtanni khan Raj Bhavan-ah MESL chief patron, larsap Hari Babu Kambhampati an hmu a. Mizorama Ex-Servicemen te dinhmun leh mamawh an sawipui.
Mizoram sawrkar hnuaia hnaruak hnawhkhah tur zinga Group B, C & D a Ex-Servicemen te tana 5% reservation chungchang, Aizawl Khatla leh Champhaia CSD canteen extension siam tul thu, Ex-Servicemen Contributory Health Scheme hnuaia Thuampui Polyclinic tih changtlun dan tur leh a thawktu officer leh staff atan khawtual mi ruat a pawimawh dan, HQ MESL office Treasury Square ami tih changtlun dan turte an sawi ho a ni.
Larsap chuan Mizoram sawrkar hnuaia hna Group B, C & D a Ex-Servicemen te tana 5% reservation siam, a taka hman ni si lo chu a ngaihpawimawh thu leh theihtawpa hma lakpui a tum thu a sawi a. An mamawh thlen dangte pawh lo enfiah a, a theih anga hma lakpui a tum thu a sawi a ni.
Report pek dan chuan tunah hian Mizoramah ex-servicemen 5724, sipai thihsan hmeithai 2500 chuang leh ex-servicemen leh an chhungkaw member ten hamthatna an dawn thin dawng thei mi 24000 vel an awm a. Sipai tang lai 3000 chuang an awm mek.
Ex-Servicemen ten larsap sawipui
Get real time updates directly on you device, subscribe now.
Prev Post
Next Post