SCERT Mizoram bultumin ‘42nd State Level Science, Mathematics & Environment Exhibition and Edutech Festival 2024’ neih a ni a. Thupuiah “Science & Technology for Society” tih hman niin, sub-theme ah “Health, Lifestyle for Environment, Agriculture, Communication and Transport” tih leh “Computational Thinking” tih hman a ni.
A hawngtu School Education minister Dr Vanlalthlana chuan khawvel changkanna in a ken tel thiamna hmang thiam leh hmang tangkai hmasatu nih a pawimawh a, chutianga hmang tangkaitu nih hmasak tum chuan intlansiakna leh inelna nasa tak a awm thin, tiin, ramdang ruala hmasawnna kawng kan zawh ve theih nan Mizo thalaiten heng thiamna hi kan chhawr thiam ve zel a tul tih a sawi a ni.
Khawvel sumdawnna lian thlan chhuah zinga a tam zawk chu technology behchhan sumdawnna an ni a, technology thar hman tangkai nachang hre lo company lian tak takte chu an tluk chhiat phah thin tih Dr Vanlalthlana hian a sawi. “Hmasawnna hna kalpui dawn chuan hmasawnna awmze nei, inkhairual leh nakin hun lo la awm tur ngaihtuah chunga ruahmanna siam a pawimawh a; chutiang ngaihtuahna leh finna chherchhuahna hun a hmang turin exhibition buatsaihtute leh chhimtute ka duhsak a ni,” a ti.
42nd State Level Science, Mathematics & Environment Exhibition atan hian district 5 atangin school 13 an tel a. Model/ exhibit 43 phochhuah a ni. Heng hi uluk tak a endik an nih hnu ah national level exhibition-a tel tur thlan a ni ang. EduTech Festival atan hian stall 10 – Mizoram Scholarship Board, Mizoram State e-Governance Society, Buannel Studio Pvt Ltd, Netsurf Internet Service, Reliance Jio Infocomm Ltd, NIELIT Aizawl, Aricky Camera & Accessories Click Studio, NeVA leh ICT, SCERT-te hawn a ni.
Exhibition – Festival nei
Get real time updates directly on you device, subscribe now.
Prev Post