Expenditure observer thlak ngen

Mizorama Lok Sabha inthlanpui atana expenditure observer pahnih ruat te chu candidate leh candidate aiawhte an chungtlak dan a fel lo hle nia ngaiin candidate paruk aiawhte chuan thlak turin Election Commission of India an ngen.
Mizoram Lok Sabha inthlan atana returning officer Nazuk Kumar kaltlanga ECI hnena thu thlenah hian, independent-a MP chuh Lalhriatrenga Chhangte bakah ZPM, MNF, INC, BJP leh PC candidate te aiawh expenditure agent-te theuhin hming an ziah hnan a. Tun tum inthlan atan hian ECI chuan Mizoram vil turin expenditure observer pahnih a ruat a, heng mi pahnih hian Mizorama hun pawimawh – Good Friday leh Easter Sundat pawh ngaih thutak sak loa an chet danah te, state ralmuang leh inthlan felfai tak neih thinna a nih hrechang duh loa election expenditure observer leh assistant expenditure observer te an hnuaichhiah thin danah te, general observer tih tur ni awm zawk taka an lo inrawlh ve thin danah leh, thil dang dangah an hna an tlin loin thawhpui hrehawm takin an awm tih an sawi.
Expenditure observer pahnihte chunga an lungawilohna hi uluk taka chhuifiah sak a, Lok Sabha inthlan felfai leh thianghlim neih a nih ngei theih nana thlak sak turin ECI hi an ngen tih an sawi a ni.