External Affairs minister in Bahrain thleng

External Affairs minister in Bahrain thleng
External Affairs minister S. Jaishankar chuan inrinni khan Bahrain a thlenga, Manama Dialogue-ah a tel zui dawn a ni.
Jaishankar hian ministerial meeting pawh co-chair niin a kahruai dawn a, hei hi ni li chhung a zin hnua a ram tlawh hnuhnung zawkna tur a ni bawk.
Minister Bahrain kal hi an ram foreign minister Dr. Abdullatif bin Rashid Al Zayani chuan lo hmuakin, Jaishankar chuan a unaupa ang maia a enin a lo hmuak leh hmaichhana an inhmu thei chu lawmawm a tih thu a sawichhuak hial.
Pathianni khan Manama Dialogue hi neih niin, hei hi ram pahnihte thawhdunna tur hrang hrangah hmasawnna tur leh an hlawkpui dunna tur a nih thu Jaishankhar chuan a sawi bawk.
4th India-Bahrain High Joint Commission (HJC) hi Al Zayani nen hian an kaihhruai a, India leh Bahrain in kawng hrang hranga inzawmna an neihte nghet lehzuala a kal theihna tur hrang hrang an sawiho.
Jaishankar hian Bahrain a thlen hma hian Qatar ram tlawh tawh bawkin, an ram hruaitu lawk tak takte nen an inkawm a ni.