Khawvel huapah pawh football club te inelna hlun ber pawl FA Cup chu zanin hian final khelh a ni dawn a. Wembley Stadium-ah club inhal pahnih; Manchester United leh Manchester City an inhmachhawn dawn. FA Cup final hi zan dar 7:30 ah khelh tan a ni ang.
Premier League champion Manchester City hian treble champion beisei chhunzawm turin final-ah an elpui lian United hneh ngei an ngai a. Manchester khuaa an elpui lian ber United hneh tluka an tan thil chakawm a awm kher lo ang. League Cup champion United hian domestic Cup pahnih lak zawn an tumnaah City hneh ngei an tum dawn bawk. United hi English club zingah treble champion hnuhnung ber an ni a. An mahni rawn tluk thei tur City lo dan a, an record vawn him tluka thil thlakhlelh an nei kher lo ang.
United leh City te hi khaw khat club inhal em em, chungnun inchuh reng renga hmanhlel an ni a. Zanina khelh tur FA Cup final hi engti kawng mahin a nep thei lo.
FA Cup final – City vs United
Get real time updates directly on you device, subscribe now.
Prev Post
Next Post