California a hmunpui nei Alef Aeronautics chuan Federal Aviation Administration (FAA) hnen atangin car thlawkthei thlawh tir phalna special certificate an dawng tawh tih an puang a, he permit hi an car thlawkthei Model A atana an dawn niin, tunah chuan research leh development atana thlawh phalna hi pek an ni. Alef Aeronautics chuan ‘Model A’ hi kawngpui a motor pangngai anga tlan a, in-park ve mai thei, a tul huna thlawkthei bawk si-ah chuan FAA atanga clearance dawng hmasa ber niin an chhal a ni.
FAA hian car thlawkthei tana thlawh phalna hi Model A lo pawh pek an lo nei tawh a, mahse, Model A hi a danglamna chu VTOL (vehicle takeoff and landing aircraft), car pangngai anga kawngpuia khalh theih leh park ve mai theih hmasa ber niin an chhal.
Alef CEO Jim Dukhovny chuan, “FAA certification kan dawng hian min tiphur hle a tunah chuan boruak tichhe tlem zawk leh chak zawk si a inkal pawh theihna kawng hawng turin rahbi thar kan tuk leh ta a ni. Thlawhtheihna tan pen khat lek anga lang hi car tan chuan thui tak zuang ang kan ni,” a ti.
Model A hi 2015 atanga an siam tan tawh kha a ni a, tunah chuan company lam pawhin pre-order an hawng tawh a, 2025 atangin mipui lei theihin an hralh chhuak tawh dawn a, a man tur hi official-a puan la awm lo mah se dollar 3,00,000 vel bawr ni turah an ngai.
FAA-in California company hnenah car thlawk thei thlawh phalna pe ta
Get real time updates directly on you device, subscribe now.
Next Post