Box Office-ah Insidious: The Red Door a No.1
Horror movie Insidious: The Red Door chuan tun weekend kalta khan North America-ah cinema hall ticket hralhna atangin dollar maktaduai 32.7 lalutin, North American box office No.1 a ni.
Insidious: The Red Door hian review a dawng tha vak lo nain beisei aiin a chetha a, Insidious series-ah chuan opening-a che tha ber dawttu niin, 2013-a tlangzarh ‘Insidious: Chapter 2’ (dollar maktaduai 40.3) chiah opening weekend-a sum lakluh tamah a pha lo. The Red Door hi Insidious series-a a film pangana niin, a tawpna tur ni tawhin an sawi.
The Red Door hian US pawnlamah dollar maktaduai 31.4 lalut bawkin, tihian opening weekend-a a lakluh zawng zawng chu dollar maktaduai 64.1 a tling ta a ni. He film hi dollar maktaduai 16 cheuh senga siam a ni nghe nghe.
Insidious film thar ber hi Patrick Wilson direct niin, a original cast Patrick Wilson, Rose Byrne, Ty Simpkins leh Andrew Astor te pawh an inlan leh vek a ni.
Kar kalta box office No.1 ‘Indiana Jones: Dial of Destiny’ ticket hralh 55% chuangin a tlahniam nghal a, a weekend vawi hnihnaah dollar maktaduai 26.5 lalutin No.2-ah a tawlh a, tihian ni 10 chhungin US-ah dollar maktaduai 121.2 a lalut tling ta a, US pawnah dollar maktaduai 31.8 lakluh belhin, US pawna a lakluh zawng zawng pawh dollar maktaduai 126.7 a tling ta a, tihian a vaiin dollar maktaduai 247.9 a lalut tling ta a ni.
Film tlangzarh thar ‘Sound of Freedom’-in dollar maktaduai 18.2 lalutin No.3 a ni a, ‘Elemental’-in dollar maktaduai 9.6 lalut lehin No.4 a la ni a, Spider-Man: Across the Spider-Verse-in dollar maktaduai 8 lalut lehin No.5 a la ni bawk.
Film tlangzarh thar Joy Ride-in dollar maktaduai 5.8 lalutin No.6-ah a debut a, he film hi Ashley Park, Sherry Cola, Stephanie Hsu leh Sabrina Wu te channa niin, thian inang lo tak tak pali te zin ho dan vel tarlanna a ni.
Box Office-ah Insidious: The Red Door a No.1
Get real time updates directly on you device, subscribe now.
Prev Post