Inngaihzawnna boruak hi awlsam te a tihchhiat theih a ni a, thil ho te vanga inthen mai theih a ni. Chutiang i pumpelh theih nana relationship lama mithiam te sawi kan rawn tarlang e.
1. Thil sawi dun thin a pawimawh. A lakah engemaw lungawi lohna i neih pawhin tihtauh khum mai lova tha taka sawi thin zawk tur a ni. Hetianga engkim inpawh taka sawi dun thin hi long-term relationship atan a pawimawh hle a ni.
2. A lakah beisei sang lutuk suh. A nun i siamtha thei dawna i inngai a nih chuan i thlak danglam hlawk thei dawn lo tih inhre lawk ang che, chuti lo chu i rilru natna ti tam tu mai a ni ang.
3. Kan kawppui te chhungte insawisel sak hi chin loh tawp tur a ni. Engtik lai pawha a chhungte i sawisel sak reng a nih chuan in inkar a chhe thuai dawn tih hre mai rawh. A chhungte chu a fel tehchiam lo tih a hre ve tho a nih pawhin, i sawi chhuah kher khan a tilawm dawn miah lo.
4. Mi zingah inhnial loh tur a ni. Mipahnih inkawp kan nih miau avangin ngaihdan inan loh chang a tam ang a, inhauh chang pawh kan nei ang. Mahse, mi zingah chuan inhauh loh tum hram hram tur a ni a, hei hi awlsam taka kan inkar tihchhiat theihna a ni.
5. Inenthlak deuh tih tih a awm hi a fuh lo khawp mai. I kawppui chuan eng nge a tih tih te hriat vek tuma i enthla deuh tih tih a nih chuan a ring tak tak thei dawn lo che.
6. Dawt sawi loh tum hram hram tur. Thudik an hriat chhuah leh hun a awm ngei a, dawt i hrilh tih a hriat chhuah chuan a rilru i ti na ting mai dawn a ni. Chuvangin, engkim tlang taka inhrilh mai hi a fuh ber zawk.
7. Mahni inenkawl uluk tur a ni. Kawppui nghet deuh neih tawh chuan mahni inenkawl uluk kan peih ta lo mai thin a, kan inchei dan nen lam kan thlahthlam ta thin. Engtik lai pawha ‘presentable’ taka awm reng tum tur a ni.
Inngaihzawnna boruak nuam siam dan
Get real time updates directly on you device, subscribe now.
Next Post