Faina beihpui thlak bul tan

Project Management Unit, PHE department bultumin Mizorama hman tur Swachhata Hi Seva (Faina Beihpui thlak) 2023 chu Zirtawpni khan hawn a ni a. Aizawlah chuan PHE secretary C Lalremsiama’n hawngin hemi puala kawngzawh a vailiam nghal.
Swachhata Hi Seva (SHS) tum ber chu, mi zawng zawng tifaitu an nih theih nan, fai tura vantlang thawhhona buatsaih a, chumi zarah chuan mipui lamin faina beihpui (movement) an kalpui reng theihna tura hma lak a ni tih PHE secretary hian a sawi.
SHS hi 2021 September 11 atanga October 2 atanga hman tan a ni a, “hman khat daih plastic chi hman loh” (say no to single use plastic) tih thupui hmanna ni. Hemi chhung hian khua zawng zawngah faina hnatlangpui neih a ni a, vantlang hmun pawimawh tihfai leh vantlang inthiarna cheithat a ni a. Mimal tui chhia leh tawihthei paihna tur tawih khur leh tuichhe khur siam a ni a. He hunah hian khaw hrang hrangah hman khat daih plastic hmang tawh lo tura intiam a ni bawk.Kumin hian ‘Bawlhhlawh awm lo India (Garbage free India)’ tih thupui hmangin ram pumah September 15 atanga October 2 chhung hian neih leh tur a ni a. Thupui thlanbik – ‘khawilaia inthiar/e awm lo tura tan lak (ODF sustainability)’ leh plastic paih hnu awmze neia senghawi (plastic waste management)’ te a ni ang.
Faina beihpui thlak kawngzawh hi Aizawl bakah district tinah hman a ni.