Faina social movement-a siam turin ti

Swachch Bharat Abhiyan, faina beihpui thlak Mahatma Gandhi piancham puala kum 2014 atanga kalpui tan chu India hrisel leh hlim zawk siam a nih theih nan ‘social movement’ a chhuah ni se tiin Supreme Court judge Sanjiv Khanna chuan a sawi.
Justice Khanna chuan Supreme Court Bar Association tena Mahatma Gandhi leh Prime Minister hlui Lal Bahadur Shastri te piancham lawmna apex court premises-ah an nei a.
“Gandhi pianchamah Swachch Bharat Abhiyan kan kalpui a. Social movement niin social movement anga kalpui tur a ni bawk. Social movement anga kalpui a nih loh chuan a tum a tihlawhtling dawn lo,” tiin a sawi.
“India fai leh thianghlim hi a hrisel a ni,” tiin Justice Khanna chuan a sawi. Mi thenkhatte chu an thusawi leh thiltih avangin nung reng tur an awm tia sawiin Gandhi philosophy non-violence, satyagraha, fasting leh social leh communal harmony te chu sawilanna a nei a. Gandhi chuan tumah haw lovin nun tlawm tak a nei a ni tiin a sawi bawk a.
Justice Khanna chuan Mahatma Gandhi chu khawvel pumah ngaihsan hlawh niin father of the nation kan ngaihsanna lantirna tha ber chu a thusawite a taka nunpui a ni tiin a sawi bawk a.
“I ngaihtuahna te i thusawiah a chan thin avangin fimkhur la. I thusawi tur te ngun takin ngaihtuah la, a chhan chu i chet danin a zui thin vang a ni a. I chet lak dan chu ennawn fo la a chhan chu ngaiah i nei mai thin a. I tih thin dan te chu ennawn fo rawh, a chhan chu i hlutna tilangtu a ni a. I hlutna pawmin hrethiam la, chu chu i dinhmun hriltu a ni a lo ti tawh a ni,” tiin Justice Khanna chuan a sawi bawk a.
Mahatma Gandhi thusawi dang pahnih pawh tarlangin chungte chu judiciary tana pawimawh reng a ni a ti a. “Thudik chu thil dik tan a ni a, thudik kan zui hian dan chu min pui vartu a ni nghal thin,” tiin Gandhi thusawi a sawi chhawng zui leh a ni.
Prime Minister hlui Lal Bahadur Shahstri kha hun harsa tak kara prime minister a nih thu a sawi a, tichung chuan Shastri kha inngaitlawm taka ram tana thawktu a ni, a ti bawk.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

आपके जीवन को बेहतर और प्रभावी बनाने के लिए यहां हम लाये हैं कुछ खास टिप्स और उपाय। हमारे लाइफहैक्स और रसोई खुशबूदार खाना बनाने के संदेश आपके लिए ज़रूर उपयोगी होंगे। हम ओगरोड से जुड़ी महत्वपूर्ण जानकारी भी प्रदान करते हैं, जिससे आप एक स्वस्थ और सुंदर पौधों का ख्याल रख सकें। हम आपको नई और रो जियानी हरप्रीत सिंह ने सै" - "Jiyani Harpreet Singh केरल में यूएस टैरिफ हाइक: निरंतर 2025/08/11: भारतीय सामान्य मानसून वर्ष - Indian Monsoon Season कर्नाटक मंत्री केएन हमारी वेबसाइट पर हम आपको जीवन के हैक, रसोईघर और बागवानी के बारे में मददगार लेख प्रदान करते हैं। हम आपको सरल और प्रभावी तरीके से अपने दिनचर्या को सुधारने के उपाय बताते हैं ताकि आप स्वस्थ और सुखी रह सकें। हमारी साइट पर आपको चयनित एंग्लो-हिंदी भाषा में उपयोगी जानकारी मिलेगी। इसके अलावा, हम बागवानी से संबं