Farmer leh Centre te inbe zui zel

Union Minister te leh loneitu aiawh tena meeting tum li an neih hnuah sorkar chuan Minimum Support Price (MSP) chu thlai panga thlanchhuah bikah pek an remtih thu sawiin chu chu loneitute chuan sawihona an neih leh phawt tur thu sawiin mahse ‘Delhi Chalo’ march chu an titawp lailawk rih ang an ti thung.
“Sorkar rawtna siam te hi agriculture leh legal expert te nen kan sawiho leh phawt anga chumi hnuah kan thutlukna Centre kan hriattir ang. Delhi march chungchang bikah chuan kan thulh lailawk ang a. February 21 ah kawngzawh kan tan leh ang a, February 21 hma in sorkar hnenah issue thenkhat la awma kan ngaihdan kan hrilh ang” tiin farmer leader Sarwan Singh Pandher of Kisan Mazdoor Morcha chuan a sawi.
Centre leh armer tena meeting an neih zawh hnuah Union Commerce Minister Piyush Goyal chuan meeting chu boruak tha tak hnuaia neih a nih thu sawiin tun hnai kum 10 chhunga loneitute tana ruahmanna siam te pawh sawi a ni a ti a.
“Loneitute ngiat te sawihona neih niin road map siam a ni a. Loneitute pawhin an ngiat te sawiin issue pathum pali vel erawh sawiho telloh a awm a, a bak zawngah chuan Haryana, Punjab leh India ram hmun tina loneitute tana tha tur thil te sawiho a ni” tiin a sawi a.
“Rawtna sawihona neih niin chutah chuan sorkar agency NCCF leh NAFED te ang ten contract siamin pulses-arhar, tur leh urad te corn te MSP a lei theih tura ruahman a ni a. A tam lamah bithliah a awm lovang. Chutiang bawk chuan Cotton Corporation of India pawhin MSP a cotton kum nga chhung lei nan inremna a siampoui ang a. Punjab ah cotton te tharthawh leh ni se kan duh a ni. Loneitute pawhin kan rawtna siam te chu an enho hnuah an ngaihdan min hriattir leh dawn a ni. Chumi hnuah chuan inbiakna kan chhunzawm zui thei ang” tiin Piyush Goyal chuan a sawi bawk.
“Policy thil kaihhnawih tuna chinfel mai theih loh leh hun duha inrawntlanna nasa zawk ngai thil te a awm a. Inthlanpui a hnai sia sawihona neih chhunzawm a ni ang” tiin Commerce minister Goyal chuan a sawi bawk.
Punjab Chief Minisetr Bhagwant Mann chuan an State loneitute chuan MSP tiam an nih chauhin maize leh cotton an ching ang a ti a. Sawihona kimchang tak neiha inremna siam ngai a ni a ti a. Chutihrual chuan State a district panga laiah mobile internet tihtawp a nih avangin zirlai ten an tuar nasa tiin a sawi bawk a, exam awm lai mek a ni a, online study tih nasat karah internet service tihtawpsak an ni chu a demawm a ni tiin a sawi bakw.
Hetihlai hian Punjab loneitute chu Haryana nena inrina bulah camp siamin an la inkulh reng bawk a. Punjab loneityte hi Shambhu-Ambala leh Khanauri-Jind ah te inkulhin Haryana luh an tum chu danin an awm a ni.
Loneitute lungawilohna lantir hi Kisan Mazdoor Morcha leh Sanyukt Kisan Morcha (Non-political) te thlawp niin an hnuaiah hian farmer leh arm labourer unions 200 chuang an inziak lut a. An thil ngiatte tihhlawhtlintir turmin ‘Delhi Chalo’ march an kalpui a ni.
Deli Chalo march chu farmer pawl dang leh ‘khap’ panchayats te pawhin an thlawp bawk a. Kum 2020-21 a Centre farm law duh lova lungawilohna lantirtu Samyukt Kisan Morcha (SKM) leh Bharatiya Kisan Union (Ugrahan) te chuan February 20 atanga 22 inkar chhungin chhun leh zan zawm zatin BJP MP, Minister leh MLA te chenna in hmaah lungawilohna an lantir tur thu an sawi bawk.
Haryana-ah pawh loneitu intelkhawmBharatiya Kisan Union (Charuni) president Gurnam Singh chuan loneitute leh ‘khap’ panchayats ho nen meeting an neih hnuah Centre leh farm leader te inbiakna nghah phawt hnuah chetlak dan tur an rel ang an ti bawk.