Fighter jet lamah India intodelh thuai dawn ti

India chuan hun rei lo te hnuah indigenously-built fighter aircraft neih belhin Indian Air Force mamawh a phuru ang a, light atanga fast inceptor leh deep-strike fighter plane thlengin a ngah tawk ang, tiin Kota Harinarayana, former director and chief designer, Light Combat Aircraft (LCA), tuna ‘Tejas’ tia koh tak chuan a sawi.
Dr. Harinarayana chuan India chuan hlawhtling takin LCA MK-1 (Tejas MK-I) siam chhuakin a hmang tawh a, tunah LCA MK-II a siam leh mek tiin a sawi a.
“Tehjas MK-I hi fourth generation fighter a ni a, MK-II chu fifth generation fighter niin stealth features a nei tam tawh ang,” tiin Dr. Harinarayana chuan a sawi bawk a.
“Hei bakah hian Advanced Medium Combat Aircraft (ACMA) kan siam mek a, enchhinna neih mek a ni,” tiin a sawi bawk.
MK-I chu highly sophisticated fighter tia sawiin fourth leh fifth fighter plane inkara awm a ti a, MK-II chu fifth generation erawh stealth features tam zawk leh deep-strike lamah theihna sang zawk a nei ang a. AMCA chu fifth generation tactical deep-strike fighter aircraft a ni ang, a ti bawk.
“Thlawk theia siam an nih vek hunah chuan indigenously-built fighter aircraft tam tawk kan nei ang a, Indian Air Force mamawh a phurhru viau dawn a ni. Chu mai bakah tuna thlawhna kan neih upa tawh MiG 21, 27 leh 29 te a bakah deep-strike aircraft Mirage-2000 leh Jaguar te a thlak ang,” tiin a sawi bawk.
“Tejas hi game changer a ni a. Hlawhtling taka siam chhuah a nih hmangin ramin LCA programme a neih te chuan ecosystem tha zawk siamin khawvela aueronautical company tha ber ber te nen huang khatah a dah a ni. Vawiinah hian kan design system te chu A-350 leh A-380 ah te hman a ni a, fifth leh sixth generation aircraft siam turin infrastructure kan nei tawh bawk,” tiin Dr. Harinarayana chuan a sawi.
Indigenously-built fighter aircraft te siam duhna chu IAF tena second generation MiG-21 fighter te thlak an ngaih tawh avanga awm a nih thu a sawi a. IAF te thil duh a sang hle a, second generation fighter atangin fourth generation a kai dawrh kha an duh dan leh thupek a ni, tiin a sawi bawk a.
“Sorkar pawh a tumah a chiang a, a thuphungin kum 1983 daih tawh khan Aeronautical Development Agency (ADA) Rs 500 crore fund neiin a din a ni,” tiin a sawi a ni.