File kalphung hre lo sawrkar
hnathawk an tam – Lunglei DC
Sawrkar hnathawk zingah file kalphung hre lo an tam tih Lunglei district bawrhsap Ramdinliani chuan a sawi.
Mizoram Ministerial Service Association District Hqrs. Lunglei buatsaihin Thawhlehni khan Lungleiah department hrang hranga an member-te pualin Training on Various Rules & Service Matters neih a ni a. He hun hmanpuitu Lunglei bawrhsap chuan sawrkar hnathawhnaah hian dan leh hrai zir tur tam tak a awm a, kan thil zirte a bulthut atanga kan hriat chuan kan theihnghilh ngai dawn lo, tia sawiin, “Sawrkar hnathawk tam tak hian file kalphung an hre loa, a chhan chu training mumal an neih loh vang a ni,” a tik. Hetiang training buatsaih chu hmang tangkai a, thahnemngai taka paltlanga sawrkar leh mipui ten hlawkpui ngei se a duh tih a sawi a ni.
Training-ah hian office procedures, Maintenance of Service Rules, CCS (Leave) Rules 1972, CCS (Pension) Rules 1972, family declaration & nomination, Regulation of Pay and Allowances, Travelling Allowances Rules leh New Pension Scheme te zirtir an ni a, zawhnate chhan a ni. April 21 thleng neih a ni ang.
File kalphung hre lo sawrkar hnathawk an tam – Lunglei DC
Get real time updates directly on you device, subscribe now.
Prev Post