Finance minister in Banking Laws Bill, 2024 pharh dawn

Union finance minister Nirmala Sitharaman chuan Banking Laws (Amendment) Bill, 2024 chuan vawiin, thawhtanni hian Parliament-ah a pharh dawn.
Secretariat lamin a riruang tur an tihchhuah danin Sitharaman hian Reserve Bank of India Act, 1934, Banking Regulation Act, 1949, State Bank of India Act, 1955, Banking Companies (Acquisition leh Transfer of Undertakings) Act, 1970 leh Banking Companies (Acquisition and Transfer of Undertakings) Act, 1980 siamthatnate chu vawiin hian Lok Sabha-a ngaihtuah tur leh pass turin a pharh dawn a ni.
Tin, vawiin vek hian union railways minister Ashqini Vaishnaw pawhin Railways Act, 1989 siamthatna tur bill chu ngaihtuaha pass turin a pharh dawn bawk.
Union Minister of Ports, Shipping & Waterways Sarbananda Sonowal chuan Coastal Shipping Bill, 2024 chu Lok Sabha a ngaihtuah turin pharh a tum bawk a, heng bill pathumte hi ruahmanna siam anga a kal thei a nih chuan thawhtannia ngaihtuah tlan tur ruahmanna awm sa ho a ni bawk.
Union minister Sonowal-a bill pharh tur hian tuipui kama lawng chawlhna chungchanga dan siamthat a tum dawn a, tuipui kama sumdawnna tihhmasawnna leh ram leilung fate hmasawnna tur a tel dawn a, ram venhimna leh sumdawnna lama hmasawn zelna tur leh a kaihhnawih hrang hrang a awm nia sawi a ni.