FireAid-ah $100M chuang an hmu tawh
Los Angeles kangmei tuarte chhawmdawlna tur vebur khawnna concert FireAid Benefit Concert for California Fire Relief chuan sum an hmu tha hle a, dollar maktaduai 100 chuang an khawn chhuak tawh. He concert hi January ni 30 khan Inglewood, California-ah neih niin, streaming platform 28 kaltlangin entu mi maktaduai 50 chuang an nei thei niin organiser te chuan an tarlang.
FireAid concert-ah hian tunlai zaithiam lar an inlan a, zaithiam perform zawng zawng hi 30 chuang an ni a, chung zingah chuan Green Day leh Billie Eilish, Jelly Roll, Katy Perry, Lady Gaga, Olivia Rodrigo, Peso Pluma, Stevie Wonder, Lil Baby, Tate McRae, Sting, Alanis Morissette, Anderson .Paak leh Dr. Dre & Sheila E, Dawes, John Mayer, Nirvana reunion, Joni Mitchell, reunited No Doubt, P!nk leh Red Hot Chili Peppers te pawh an tel.
He benefit concert atanga an sum hmuh hi kangmei tuarte chhawmdawl nana hman vek tur a ni a, fundraising hi an la kalpui reng to a, tun thla laihawl atangin chhawmdawlna hi an pechhuak tan dawn a ni.
FireAid chuan show tan hmain ticket hralhna bakah sponsorship atangin dollar maktaduai 60 chuang an hmu thei niin an tarlang a, hei bakah hian show kaltlanga donation an dawn te nen dollar maktaduai 100 chuang an tlin tawh a, an sum hmuh te hi Los Angeles a hmunpui neiu Annenberg Foundation kaltlangin an sem darh ang.
He kangmei chhuakah hian hriat theih chinah mi 29-in nunna chanin, chenna in 16,000 chuang a kangral vek bawk a ni.
FireAid-ah $100M chuang an hmu tawh
Get real time updates directly on you device, subscribe now.
Next Post