FOCUS 2.0 kalpui dan tur CM hrilh

FOCUS 2.0 kalpui dan tur CM hrilh
International Fund for Agricultural Development (IFAD) Design Mission Team chuan Thawhlehni khan chief minister Lalduhoma an kawm a. Mizorama FOCUS 2.0 kalpui dan tur ruahmanna an enho.
Chief minister hian FOCUS 2.0 atana an thil ruahmanah belh deuh hlek tula a ngaihte a sawi a. Scheme dang nen kalkawp tir (converge) a that a rin thu pawh a hrilh. Hmalakna inbawhthuah (duplicacy) a awm lohnan department dangte nena inhretawna kal (coordinate) a pawimawh thu leh thil thar chin chhuah lama hma lak uar thaa a hriat thu a sawi bawk.
IFAD & ICO country programme analyst Piyush Kanal chuan kum 2019 atanga bul tan, kum 2024-a tawp ta, FOCUS Mizoram district 6-a khaw 272-a cheng chhungkaw 55000 tana hma an lak dan a sawizau a. An hmalakna zarah chhungkaw 41888 chuan sik leh sa inthlak tuar thei eizawnna (climate resilent practice) an thlang zui nia an hriat thu a sawi.
A thawhhnihna an kalpui tur, FOCUS 2.0 ruahmanna tlangpui hi Mission director & agri business expert Alessandra Cage chuan a sawifiah a. Mizoram district 11-a RD Block 26 huama khaw 700 huapa kalpui an tum dan a sawi. A project component pawimawh tak chu market access & entreprenuership, tharchhuah tihpun leh climate inthlak zel tuar thei chi thlai uar a ni tih sawiin, Mizoram sawrkarin ‘Zau Policy’ a kalpui tur nen kal tlang thei tura ngaih a ni. FOCUS 2.0 hi Bana Kaih nen inhne rual taka kalpui theih a nih thu a sawi bawk.