FOCUS hmalakna thlirlet

FOCUS DMU Khawzawl – District Level Coordination Committee (DLCC) chu an chairman, bawrhsap K Lalrohlua hoin Ningani khan an thukhawm a. Kum 2023- 2024 chhunga FOCUS hmalakna leh hmachhawp an thlirho.
Kum 2023- 2024 chhunga FOCUS hmalakna report danin, line department pali – Agriculture, Horticulture, Soil leh AH & Vety hnuaiah chhungkua 2700 chuang tanpui an ni tawh a. FOCUS Innovation Fund hmangin Tualte Tomato Processing Plant leh Sialhawk Pineapple Processing Plant din a ni bawk.
April 2024 – March 2023 chhungin FOCUS DMU Khawzawl hian kuthnathawktute enkawl nan Rs. 5,92,62,868.30 an hmang a. Hemi hun chhung vek hian FOCUS enkawl kuthnathawktute hian thlai chi hrang 11 an thar chhuah atangin Rs. 5,34,25,540 an lalut.