Football titi

c Newcastle United nena sawi zawm Portugal midfielder Ruben Neves chuan January thlaah Saudi Pro League club Al-Hilal a chhuahsan a rinawm lo. (The Athletic – subscription required)

c Bernardo Silva chuan a hnampui Joao Neves chu Manchester United in ngaihven bawk mah se Manchester City zawm turin hmin a tum. (MEN)

c City leh Portugal midfielder Silva hian football a chawlhsan hma ngeiin a club hmasa Benfica ah kir leh ngei a duh tih a sawi. (CNN, via TalkSport)

c Manchester United manager Erik ten Hag chuan French centre-back Raphael Varane chu nipui bazar inhawn hma chuan chhuahtir a tum lo. (Sun)

c Arsenal leh Manchester United ten ngaihven bawk mah se, Juventus chuan Serbia striker Dusan Vlahovic chu an hnenah cham chhunzawmin, contract thar a ziah leh ngei an ring. (90min)

c Chelsea chuan nipui bazar inhawn hunah Belgium striker Romelu Lukaku hralh theih an inbeisei. Lukaku hi loan a hawh mektu Roma chuan a ngheta lak an duh. (Evening Standard)

c France forward Antoine Griezmann chuan Manchester United zawm a tum lova, a khelh mekna Atletico Madrid ah a la insawrbing. (Fabrizio Romano)

c Fulham chuan Portugal midfielder Joao Palhinha chu January thlaah chhuahtir an tum a, Bayern Munich in lak an tum Palhinha manah hian a tlem berah pawh 60-65m euros (£52m-£56m) chhiar ngei an tum. (Florian Plettenberg, Sky Germany)

c Spanish goalkeeper David de Gea chuan Saudi Pro League club zawm a duh lo tih a tichiang a. Kum 33 mi hian kum 2024 ah Major League Soccer a zawm mai thei thung.(90min)

c Bayern Munich chuan Japan defender Takehiro Tomiyasu lak tumin ?an an khawh a. Arsenal chuan kum 25 mi hi chhuahtir an phal lo thung. (Florian Plettenberg, Sky Germany)

c Sir Jim Ratcliffe-a’n Manchester United a chanvo a lei tur tihkhawtlai a ni chuan Thlasik bazara an ruahmanna a tibuai ang tih an hlau hle. (Mirror)

c Manchester United player ?henkhatte chuan season thara bul an ?an chhiat chhanah pre season laia Manager Erik ten Hag-a’n a thawhrim tir uchuak vang niah an ngai hlawm. (Guardian)

c Liverpool midfielder Thiago Alcantara chu Barcelona in hliam vanga chawl mek Spain international Gavi hmunruak luahtu tura an duh zingah a tel. (90min)

c Tottenham leh Argentina midfielder Giovani lo Celso pawhin Barca hian loan in hawh an duh a. Gavi awm loh chhung atan Giovani lo Celso hi hawh duh bawk mah se a ngheta lak tumna erawh an nei lo.(Mail)

c Arsenal chuan Portuguese midfielder Fabio Vieira chu loan in French club Marseille zawm an phalsak dawn. (Mirror)

c Juventus leh Brazil centre-back Gleison Bremer chuan Premier League pan a duh tih a zep lo. (Telegraph – subscription required)

c Financial fair play case chunchanga Manchester City puhna awm chungchanga hma la thuai tura nawrtu Premier League zingah Liverpool in hma an hruai. (Football Insider)