C Aston Villa leh Brighton te chuan nipui bazar inhawn hunah Leeds United winger Crysencio Summerville lak ngei an duh. (Football Insider)
-- Advertisement --
C Barcelona chuan kum 16 mi Palmeiras winger Messinho lak theih ngei an inbeisei a. Messinho hi Manchester City, Manchester United, Chelsea, Arsenal leh Paris St-Germain te nen sawi zawm an ni ve bawk. (Mundo Deportivo – in Spanish)
C Liverpool chuan Manchester United leh Chelsea te zawmin kum 19 mi Benfica leh Portugal midfielder Joao Neves lak tuma intlansiaknaah an tel thar. Neves hi 120m euro (£102.6m) sengin a lakchhuah theih dawn. (O Jogo, via Sport Witness)
C Manchester United leh Manchester City te chuan kum 23 mi Bayer Leverkusen leh Netherlands defender Jeremie Frimpong an ngaihven. (Sun)
C Manchester City chuan nipui bazar inhawn hunah West Ham atangin Brazil midfielder Lucas Paqueta lak an tum thar leh dawn. (Football Insider)
C Leeds United chuan Premier League-ah an kir leh thei a nih chuan an player hlui, England midfielder Kalvin Phillips chu Manchetser City atangin £30m sengin lak kir leh theih an inbeisei. (Sun)
C Newcastle chuan nipui bazar inhawn hunah centre-back lak ngei an tum a, centre back thar lak tur an zawnnaah an hmanhmawh leh zual tawh. Magpies hian hliam vanga thla kua vel ngawt an captain Jamaal Lascelles an chhawr theih dawn loh vangin kum 32 mi defender Paul Dummett chu contract thar zawrh an tum bawk. (Newcastle Chronicle)
C Sunderland chuan an manager thar tur an zawng mek a. Sheffield United boss hlui Paul Heckingbottom chu Championship club Sunderland manager thar ni thei tur a chhawpchhuah zingah hming langsar ber a ni. (Sun)
C Barcelona chuan sum leh paia harsatna an tawh vangin nipui bazar inhawn hunah Raphinha dawrtu an awm a nih hcuan tha taka dawnsawn an tum. Hetihlai hian kum 27 mi Brazil forward hian Barca chhuahsan a duh lo ve thung. (Sport – in Spanish)
C Real Madrid thuneitute chuan Bayern Leverkusen manager Xabi Alonso chu kum 2026-ah an manager Carlo Ancelotti hmunruak luahtu tura tha berah an ngai. (Matteo Moretto, via Football Espana)
C Tottenham chuan Sevilla-ah loan-a an tirhchhuah mek Alejo Veliz chu beisei anga khelhna a chan tam theih chuang loh vangin nipui bazar inhawn hunah loan bawkin club dangah tirhchhuah leh tumin ruahmanna an siam. (Fabrizio Romano)
C Sporting Lisbon manager Ruben Amorim chuan Liverpool atanga sawmna a dawng a nih chuan EPL hmahruaitu club hi zawm a rilruk a. A hma lam hun tur hi season tawp hunah chauh tihchian a tum thung. (Correio da Manha – in Portuguese)