Football titi
C Manchester City chuan kum 14 mi American midfielder Cavan Sullivan lak an remti a. Major League Soccer club Philadelphia Union atangin kum 18 a tlin hunah City hi a zawm ang. (ESPN)
C Saudi Pro League champions Al-Hilal chu nipui bazar inhawn hunah Tottenham leh Brazil striker Richarlison la turin an inringtawk hle. Spurs hi Richarlison dawrna dawngsawng turin an inpeih ve bawk. (Mail)
C Tottenham hian Richarlison thlaktu atan Crystal Palace forward Eberechi Eze lak an tum a, Mahse Manchester City chuan England winger hi an chuhpui ngei hmel thung. (Football Insider)
C Napoli chuan Tottenham leh Romania defender Radu Dragusin lak tumin an ngaihven. January 2024 maia EPL a insuan Dragusin manah hian Spurs hian £40m an chhiar. (Sun)
C Barcelona leh Atletico Madrid te chuan Manchester United in England striker Mason Greenwood an chhiar to vangin lak an tum zui ta lo. United hian Getafe-ah loan a khel mek Greenwood manah hian £51.7m zet an chhiar. (Marca – in Spanish)
C Manchester United chuan kum 2022-a an lak luh theih tak loh Barcelona midfielder Frenkie de Jong chu nipui bazar inhawn hunah lak an tum thar leh dawn. (Mundo Deportivo – in Spanish)
C Manager Erik ten Hag leh a thawhpui thenkhatte ban ni bawk mah se Assistant manager Steve McClaren erawh chu Manchester United-ah a cham chhunzawm dawn thung. (Mirror)
C Bayern Munich chu £60m senga Crystal Palace midfielder Adam Wharton lak tum zingah an tel. (Sun)
C Real Sociedad boss Imanol Alguacil-a’n nipui bazar inhawn hunah Spanish midfielder Martin Zubimendi chu an hralh dawn lo tih a sawi chian tak vangin lak tuma heltu Arsenal in an la thei dawn ta lo. (Metro)
C Barcelona leh Brazil winger Raphinha chu English Premier League atanga sawmna a dawng a nih chuan Catalan club chhuahsan turin a inpeih. (Mundo Deportivo – in Spanish)
C Catalan club lian hian RB Leipzig-ah loan a khel mek PSG leh Netherlands midfielder Xavi Simons an duh zawk vangin Manchester City leh Portugal midfielder Bernardo Silva an ngaihven zui ta lo. (Sport – in Spanish)
C Arsenal chuan nipui bazar inhawn hunah an player pasarih ngawt hralh an tum a. Hralh an tum zingah hian England international player pathum; goalkeeper Aaron Ramsdale, forward Eddie Nketiah leh midfielder Emile Smith Rowe te an tel. (Mirror)
C Germany midfielder Pascal Gross chuan nipui bazar inhawn hunah Brighton chhuahsan in Eintracht Frankfurt a zawm dawn. (Florian Plettenberg)
C Everton chuan Leicester City leh Nigeria forward Kelechi Iheanacho lak tumin an ngaihven. (Football Insider)
C Bayern Munich chuan Crystal Palace boss Oliver Glasner chu Thomas Tuchel hmunruak luah turin an duh a. Kum 49 mi Austrian hian Selhurst Park-ah cham chhunzawm a duh thung. (Sky Sports)
C Real Madrid chuan PSG leh France striker Kylian Mbappe an la lut tih puanchhuahna hun atan June ni 1-ah Champions League final a Borussia Dortmund an hmachhawn zawh fel hun an nghak. (Athletic – subscription)
C Ajax in a zawna champions league an khel phak dawn tak loh vangin England midfielder Jordan Henderson chu Ajax-a a hma lam hun a chiang lo thei dawn. (Athletic – subscription required)
C Newcastle midfielder Bruno Guimaraes-a’n nipui bazar inhawn hunah Paris St-Germain a zawm dawn ni awma thuthang awm chu thuthang dik lo a ni a. PSG hian Brazilian Guimaraes hi lak tumin an ngaihven lo. (Mail)
C Dutch manager Arne Slot chuan Liverpool-a a thlak tur Jurgen Klopp-a in luah lai ngei chu luah chhunzawm ve a tum. Formby a Klopp in luah mek hi Liverpool ta a ni. (Mirror)
C Bayern Munich chu an head coach hlui Hansi Flick nen Thomas Tuchel hmunruak luah chungchangah indawr turin an inhawng. (Sky Germany)
C Paris St Germain atanga chhuak tur France forward Kylian Mbappe chu Real Madrid in an la lut a nih chuan Real Madrid player zinga hlawh hnem ber a ni nghal dawn. (RMCsport)
C Mbappe hi free transfer in chhuak dawn mah se PSG hian Mbappe mana an sen ral thin 220m euros (£189m) zet an la hum thei dawn tho. (Sky Sports)
C Inter Miami, St Louis City leh Al-Nassr te chua Borussia Dortmund leh Germany forward Marco Reus lak tumin an ngaihven hlawm. Kum 34 mi Reus hian season tawp hunah German club chhuahsan a tum. (Sky Sports Germany)
C Juventus chuan nipui bazar inhawn hunah striker thar lak ngei an tum a, lak an tum zingah Manchester United leh England forward Mason Greenwood, Bologna striker Joshua Zirkzee leh Atletico Madrid forward Alvaro Morata te an tel. (Gazzetta – in Italian)
C
Fiorentina leh Morocco midfielder Sofyan Amrabat chu loan-a a khelh mekna Manchester United-ah a cham chhunzawm hmel loh a. AC Milan chu a club thar ni thei dinhmunah a ding mek. (Tuttosport – in Italian)
Barcelona in Spanish midfielder Marc Casado lak tuma an dawrna chuan hma a sawn chho zel. (Fabrizio Romano)
Tottenham chuan Brentford leh England forward Ivan Toney lak tuma intlansiak zingah hma an hruai. Kum 28 mi hi £50m sengin a lak fel theih a beiseiawm. (Football Insider)