Football titi

C Manchester United player thenkhatte chuan an forward Rasmus Hojlund chu goan thun turin an ring tawk lova, hemi a nih vang hian Arsenal an hmachhawn tum pawh khan ball pek an hreh. (Manchester Evening News)

C Bayern Munich chuan nipui bazar inhawn hunah Manchester United leh Portugal midfielder Bruno Fernandes lak an tum. (Independent)

C Bayern Munich player thenkhatte chuan an manager Thomas Tuchel chu a thutlukna siam tawh sutin, an hnena cham chhunzawm turin an duh a. Tuchel cham tura duhtu langsar zingah England striker Harry Kane pawh a tel. (Abendzeitung – in German)

C Manchester United chu Everton defender defender Jarrad Branthwaite manah £55m tawktarh turin an inpeih. (Mail)

C Manchester United chuan nipui bazar inhawn hunah English defender Aaron Wan-Bissaka dawrtu an awm a nih chuan tha taka dawnsawn an tum. (Sun)

C Netherlands defender Jeremie Frimpong chuan nipui bazarin inhawn hunah Beyer Leverkusen chhuahsan ngei a tum a. Real Madrid, Manchester City, Arsenal leh Manchester United te chuan Frimpong hi a lakchhuah theihna zat £35m in lak an huam hlawm. (Bild – in German – subscription)

C Arsenal leh Manchester City te chu Newcastle United nen Brazil midfielder Bruno Guimaraes chungchangah an indawr. (Caughtoffside)

C Chelsea chuan Belgium striker Romelu Lukaku manah £35m vel bawr chu pawm theih an tum. (Football Insider)

C Manchester United in an manager Erik ten Hag an ban a nih chuan Brentford manager Thomas Frank chu United manager thar ni tura rinkai zual zingah a tel. (Telegraph – subscription)

C Manchester United hian an hnenah coach hna lo thawk tawh Ipswich manager Kieran McKenna pawh an be bawk. (Star)

C Napoli chuan Chelsea leh Tottenham manager hlui Antonio Conte chu an manager ni a, kum khatah £5.6m hlawh turin an sawm a. Conte ngaihventu dang AC Milan chu an thawm a reh ve thung. (Sport Italia via Football Italia)

C AC Milan chuan Tottenham leh Brazil defender Emerson Royal an ngaihven. (Fabrizio Romano)

C Manchester United chuan Newcastle United hmakhalhin Fulham defender Tosin Adarabioyo lak theih ngei an inbeisei. (Talksport)

C Liverpool chu Nice leh France midfielder Khephren Thuram zawrh an ni a, an duh chuan kum 23 mi hi nipui bazar inhawn hunah £13m sengin an la thei dawn. (Mirror)

C Feyenoord boss Arne Slot chuan Jurgen Klopp hmunruak luaha Liverpool a enkawl hunah a assistant manager ni mek Sipke Hulshoff chu a backroom staff atan ruat nghal a tum. (ESPN)

C Wolves chuan an manager Gary O’Neil chu kum thum daih contract an zawrh a rinawm. (i – subscription)

C Juventus chuan season tawp rualin an manager Massimiliano Allegri nen inthen an duh. (Rudy Galetti)

C Al-Ahli a khel mek Spanish midfielder Gabri Veiga chuan Europe lamah kir leh a duh thu a sawi hnuin Aston Villa chuan kum 21 mi hi lak tumin an ngaihven nghal. (Givemesport)