Football titi
C Chelsea chuan kum 21 mi Nottingham Forest defender Murillo lak an duh a. Mah se Nottingham Forrest in Murillo manah £60m an chhiar chu to uchuak niin an ngai thung. (Football London)
C Chelsea leh England midfielder Conor Gallagher chuan Aston Villa zawm a hreh rih a, Stamford Bridge-a contract thar ziah hun a nghak. (Telegraph – subscription)
C Manchester City chuan Saudi Arabia atangin keeper Ederson lei dilna an dawng ngei dawn a. City hian Al-Nassr nena sawi zawm Ederson manah £30m an chhiar. (Talksport)
C Marseille chuan Manchester United forward Mason Greenwood lak tumin hma an la chhunzawm zel. Serie A club Lazio chuan Greenwood manah hian £17m an tawktarh. Lazio in an lak ngamna zat hi la phak rih lo mah se Marseille hian kum 22 mi hi lak theih ngei an iring hle tho thung. (Mail)
C Flamengo leh West Ham te chu kum 26 mi Brazil international Lucas Paqueta chungchangah an in be tan a. An indawrna hi a tirte chauh a la ni thung. (Globo)
C Barcelona chuan Athletic Bilbao leh Spain winger Nico Williams lak tuma intlansiaknaah hma an hruai a. Kum 21 mi hian Barcelona a lo zawm chak ve bawk si vangin lak tuma hel vetu Arsenal leh Chelsea ten an chak loh hmel ta viau mai. (Football Insider)
C Chelsea defender Marc Cucurella chuan Spain tana a khelhpui Williams chu club dang hnawla an hnen pan zawk tura hmin a tum thu a sawi. Cucurrella leh Williams te hi Spain tan Euro 2024 khelin an fehchhuak dun mek. (Sport – in Spanish)
C Lille defender Leny Yoro chan Real Madrid zawm a duh a, kum 18 mi hian club in an remtihna a nghak mek. He rawlthar duhawm tak hian Real Madrid a zawm fel thei lo a nih chuan dawr nghal chat turin Liverpool leh Paris St-Germain te an inring reng bawk. (Fabrizio Romano)
C Serie A club lian AC Milan zawm tur anga sawi awm bawk thin mah se Aston Villa right-back Matty Cash chuan Milan hi a zawm loh hmel sawt hle. (Birmingham Live)
C Barcelona chuan season liam taah loan a an hawh Manchester City leh Portugal defender Joao Cancelo chu a ngheta lak luh an duh. (SportsMole)
C Juventus chuan an muallai thuamchak an duh a, kum 26 mi Atalanta leh Netherlands midfielder Teun Koopmeiners lak an tum. (La Gazzetta dello Sport – in Italian)
C Manchester United chuan kum 16 mi Slovakian wonderkid Samuel Lusale chu Crystal Palace atangin an la lut fel thei tep tawh. (Mirror)
C English striker Callum Wilson an hralh mai theih loh vangin Newcastle United in Everton striker Dominic Calvert-Lewin lak an tumna chu a tlawlh rih. (Telegraph – subscription required)
C Ajax, Nice, Rennes leh Olympiakos te chu Arsenal a contract hmang zo kum 32 mi defender Cedric Soares ngaihven zingah an tel. (Standard)
C Liverpool in Feyenoord midfielder Mats Wieffer lak hun tur an tikhawtlai chu Brighton in chhawr tangkai a tum a, lak khalh an tum. Reds boss thar Arne Slot chuan kum 24 mi Wieffer nen thawk dun leh turin mitmei tha a hmuh a, lak tumin hma erawh an la la rih lo thung. (De Telegraaf)
C Manchester United chuan nipui bazar inhawn leh hunah free transfer-a chhuak thei tur Dutch midfielder Donny van de Beek chu man leh mual tel lo tawpa chhuah tir ngawt aiin tun nipui bazar inhawng mekah a ngheta hralh an duh. (Manchester Evening News)
C Chelsea striker Romelu Lukaku chuan Inter Milan-a a lo hrawn tawh Antonio Conte nen Napoli tan thawh dun leh a duh. (Corriere dello Sport – in Italian)
C Napoli chuan Chelsea hnenah Nigeria striker Victor Osimhen man an chhiarna £110.8m chu tihniam hret an hreh lo tih an hrilh. (Metro)
C Germany defender Waldemar Anton chuan Borussia Dortmund chhuahsanin Stuttgart chu Euro 2024 zawh rualin a zawm dawn a, medical test a paltlang fel tawh. (Sky Sports Germany)