C Manchester United boss hlui Ole Gunnar Solskjaer chu club lian te nen an indawr mek a, club enkawl turin a kir leh thuai dawn niin a lang. Club lian ten an dawr vangin Solskjaer hian Denmark in an manager ni tura an sawmna a hnar. (Tipsbladet – in Danish)
-- Advertisement --
C Liverpool chuan Palmeiras centre-back Vitor Reis chu nakina lak luh atan an hual. Kum 18 mi Brazil youth international hi a lakchhuah theihna zat chu £84m a ni. (Football Insider)
C River Plate chuan Manchester City atanga an hawh mek forward Claudio Echeverri chu hawh chhunzawm an tum. City chuan Echeverri hi Riverplate atangin an lei fel tawh a. Mah se England a pan hmain a club hluiah loan a khelh zui an phalsak thung. (TYC Sports – in Spanish)
C Chelsea midfielder hlui Claude Makelele chu Cardiff City in an manager thar ni turin an dawr. (Footmercato – in French)
C AC Milan chuan January thlaah kum 26 mi Crystal Palace leh Senegal winger Ismaila Sarr lak an rilruk. (Gazzetta dello Sport – in Italian)
C Khawvela football club hausa leh hlawhtling ber Real Madrid in ngaihven bawk mah se Arsenal chuan France defender William Saliba chu an kawl chhunzawm theih ngei an inring. (Express)
C Juventus chuan Kum 27 mi Everton leh England forward Dominic Calvert-Lewin-a’n Goodison Park-a contract a hman zawh hun, nipui bazarah lak luh an tum dawn. (Corriere dello Sport – in Italian)
C Manchester United chuan nipui bazar inhawn lai khan Stuttgart manager Sebastian Hoeness chu Erik ten Hag thlaka an manager thar ni turin an sawm a. Hoeness hian United sawmna a hnar thung. (Bild – in German)
C Manchester United hian Chelsea leh Bayern Munich boss hlui Thomas Tuchel lak theihna hun tha an la nei. Kum 51 mi Tuchel hi England manager thar tur anga sawi ni bawk mah se United in an sawm a nih chuan a pawm zawk ngei a rinawm. (Teamtalk)
C Football Association hian an manager tura duh nei nual bawk mah se tumah interview an la neihpui lo a. Lee Carsley chuan manager lailawk niin a enkawl rih mek. (Telegraph)
C Brazil keeper Ederson chuan nipui bazar inhawn lai khan Manchester City chhuahsan turin sawmna a dawng ngei naa an manager Pep Guardiola nen an indawr hnuin a cham chhunzawm tak zawk thu a sawi a. Etihad Stadium-a a cham chhunzawm tak nachhan lian ber chu Guardiola a nih thu a sawi. (TNT Sports Brazil – in Portuguese)
C Kum 21 mi Arsenal forward Nathan Butler-Oyedeji chu Borussia Monchengladbach in an hmu tai hle. (Football Insider)
C German centre-back Marvin Friedrich chuan January thlaah Borussia Monchengladbach a chhuahsan dawn. (Sky Sport Germany via Frankfurter Rundschau – in German)
C Arsenal chuan Tottenham in lak tuma an hel mek kum 22 mi Ukraine attacking midfielder Georgi Sudakov chu Shakhtar Donetsk atanga lak tumin an hel thar ve leh. (Caught Offside)
C Barcelona, Arsenal leh Newcastle te chuan kum 28 mi Germany winger Leroy Sane chu Bayern Munich atanga lak tumin an ngaihven hlawm. (Ekrem Konur)