C Al-Hilal boss Jorge Jesus chuan Liverpool forward Mohamed Salah chu nipui bazar inhawn hunah lak luh a duh. Egyptian Salah hian season kal mek tawp hunah Reds-a a contract neih mek a hmang zo dawn. (Mirror)
-- Advertisement --
C Liverpool hian Suadi Arabia club ten ngaihven bawk mah se Uruguay striker Darwin Nunez chu zawrh lai a nih loh thu an sawi chiang nawn leh. (Mail – subscription required)
C Arsenal chuan Athletic Bilbao leh Spain forward Nico Williams lak tum zingah an langsar hle a, Gunners hian an lak theih a rinawm chho viau. (Fichajes)
C Arsenal hian thlasik bazar tawp ni khan Stoke City defender Jaden Dixon an umzui hman zuai a, la thei ta rih lo mah se kum 17 mi England youth player hi an la ngaihven chhunzawm reng thung. (Football Insider)
C Manchester City chuan hliam vanga chawl reng Crystal Palace midfielder Adam Wharton chu lak tumin an ngaihven. (Football Insider)
C Everton chuan an player hlui David Weir chu an director of football thar an tan ruat an duh a. Kum 54 mi Weir hian Brighton-ah Director of Football hma a chelh mek a, a club hlui hi a zawm duh beisei a ni. (Telegraph – subscription required)
C Sporting wing-back Geovany Quenda-a’n Old Trafford pan a duh thu a sawi chian tak vangin Manchester United chuan kum 17 mi hi an lak theih hmel ta hle. (Teamtalk)
C Premier League-ah an kaisang a nih chuan Sheffield United chuan Liverpool atangin player pahnih; defender Owen Beck leh forward Lewis Koumas te lak an duh. (Mail – subscription required)
C Borussia Dortmund chuan Chelsea leh Bayern Munich in lak tuma an ngaihven Jamie Gittens chu nipui bazar inhawn hunah £66m – £83m (80m-100m euros) in hralh an hnial lo. (Bild – in German)
C Crystal Palace striker Jean-Philippe Mateta chu Lyon leh Atletico Madrid ten lak an tum. (Caught Offside)
C Hliam vanga Bukayo Saka a chawlh mek vangin Arsenal chuan Porto-ah loan-a an tir mek Portugal midfielder Fabio Vieira chu an kokir dawn. (Athletic – subscription required)
C Club lian ten lak tuma an hel Newcastle leh Sweden striker Alexander Isak chuan Liverpool zawm a chak hle. (Teamtalk)
C Manchester United chuan Ipswich Town forward Liam Delap an hmutai. (Athletic – subscription required)
C Hliamin tibuai bawk mah se Arsenal chu an squa thuamchak turin player thar lei thei dinhmunah an ding lo va, sum sen ngai lova lak luh theih an awm a nih erawh chuan an la lut thei mai thei bawk. (Telegraph – subscription required)
C Newcastle forward Alexander Isak leh RB Leipzig & Slovenia forward Benjamin Sesko chu Arsenal in nipui bazar inhawn hunah lak an tum zingah an tel. Arsenal tlarhma player te hliamin a tibuai nasa viau a. (Fabrizio Romano)
C Tottenham, Newcastle leh Bournemouth te chuan kum 24 mi Brazilian winger Igor Paixao chu Feyenoord atanga lak tumin an ngaihven hlawm. (Sun)
C Saudi Arabia club ten kum nga chhunga £830m (1bn euros) zet an pek huam vangin Brazil forward Vinicius Jr-a agent chuan Real Madrid hnenah contract thar ziak leh turin engzat atam chiah nge pel an huam dawn tih a zawt. Real Madrid in contract thar an zawrh hmasa ber chuan Vinicius Jr beisei a phak lo viau a, an indawr vawi khatna hi a tlawlh nghal pang. (AS Diario – in Spanish)
C Bournemouth leh an manager Andoni Iraola te chu contract thar chungchangah an la indawr lo. Kum 42 mi hian season tawp hunah a contract a hmang zo dawn a, contract thar a ziak leh dawn em tih a la chiang lo. (Mail – subscription required)
C Inter Milan chuan Premier League club leh Paris St-Germain ten an ngaihven French striker Marcus Thuram chu contract thar an zawrh a. Kum 27 mi hian contract thar a ziak a nih chuan a lakchhuah theihna zat (release clause) £75m chu thaibo a ni dawn. (Calciomercato – in Italian)
C Liverpool leh Bayern Munich midfielder Thiago Alcantara chu Barcelona coaching staff zingah ruat a nih a rinawm ta lo. Barca thuneitu thenkhatten an coaching staff zinga tel turin Alcantara hi an ringtawk zo lo. (Catalunya Radio via Football Espana)
C Crystal Palace chuan FC Barcelona in lak tuma an ngaihven French forward Jean-Philippe Mateta manah £40-50m an chhiar. (Football Insider)