Porto an chak zo lo

February 13, Ningani zan khan UEFA Europa League Knockout Round Playoffs thawh khatna khelh a ni a. Inkhel ngaihven hlawh takah FC Porto chu an mikhual AS Roma lakah an chak zo lo. Mimualah chak zo lo mah se Roma tan erawh result chhe lutk a ni lo thung.
Estádio do Dragão-ah FC Porto hmachhawn tura lenglut AS Roma hian a khel tha thawkhat viau a, goal thun hmasa zawkah an tang. Mualneitu in an si phurh an sut hnuin kim lo zawkah tang bawk mah se Mimualah tlawm an pumpelh ta tho thung.
Inkhel hmuhnawm takah hian mikhual team AS Roma tan Zeki Çelik chuan chawlhlawk dawn haih minute 45+5-ah hmahruaina goal a thun a, si khat faia hmahruai chungin chawlhlawk an hmang.
Chawlhlawk hmain goal thun thei lo mah se chawlhlawk hnu lamah FC Porto in goal an thun thuai thung. Minute 67-naah Moura chuan goal thunin an si phurh a sut. 1-1 a nih hnu lawkah Roma player Bryan Cristante hnawhchhuah a ni. An mualah tam zawk an nih vangin Porto in chak an tumruh viau naa goal an thun thei tawh bik lo. Hun tawp thlengin goal a luh belh thei lova, FC Porto leh an mikhual AS Roma chu 1-1 in an inthahen ta a ni.