Football titi
C Juventus chuan kum 31 mi Portugal midfielder Bernardo Silva chu Manchester City-a contract a hman zawh hun, nipui bazar inhawn leh hunah free transfer in lak an tum dawn. (Tuttosport – in Italian)
C Manchester City chuan rin loh takin Manchester United midfielder Kobbie Mainoo lak an tum ve teh tlat a, kum 20 mi England international Newcastle leh Chelsea te nen an inchuh ngei hmel. (Teamtalk)
C Anton Villa in kum 23 mi Morgan Rogers manah £80m zet chhiar bawk mah se Chelsea chuan an ngaihven chhunzawm zel a, nipui bazar inhawn leh hunah lak an tum leh ngat dawn. (Sun)
C An chet that loh vangin Manchester United in an manager Reuben Amorim an ban dawn tih thu thang a awm thin a, Amorim tak hi chuan ban a hlau lo viau mai thei. An contract-ah an inrawih tan November ni 1- cham a thlen hmaa an inban a nih chuan United in £12m zet an pe ang tih a inziak tel. November thla hmaa a bang a nih chuan Amorim hi a hausa thar hluai thei dawn tlat. (Mail – subscription required)
C Manchester United sum dinhmun tha chho ta ria chuan Brighton leh Cameroon midfielder Carlos Baleba lak theihna hun tha zawk an neih thar phah thei dawn. (Mirror)
C Crystal Palace in Getafe atanga an hawh mek Christantus Uche chuan tun season-ah vawi 10 bul a tan tling thei a nih chuan Palace in kum 22 mi Nigeria forward hi a nghetin a la thei nghal dawn. (Marca – in Spanish)
C Liverpool chu FC Barcelona defender Ronald Araujo manah 50m euros (£43.35m) thehchhuak turin an inhmakhua. Kum 26 mi Uruguay international hi Tottenham pawhin an ngaihven ve bawk. (Fichajes – in Spanish)
C Birmingham chuan club lian zawk Chelsea, Manchester United, Arsenal, Liverpool leh Manchester City ten an ngaihven England Under-15 goalkeeper Alfie Smith chu a chhuak tur ven nan contract thar ziahpui thuai an duh. (Mail)
C Chelsea chu kum 25 mi England centre-back Marc Guehi ngaihventu thar lam ber an ni. Marc Geuhi hian nipui bazar inhawn leh hunah Crystal Palace-a a contract neih a hmang zo dawn a, lak tuma ngaihventu an thahnem hle. (Football Insider)