c Bayern Munich chuan Tottenham leh England forward Harry Kane an hawisan a, Kane aiah hian Aston Villa leh England striker Ollie Watkins an ngaihven. (Mirror)
-- Advertisement --
c Manchester United boss Erik ten Hag chuan an club thuneitute hnenah nipui bazar hunah striker lak ngei tum turin a hrilh a. Te Hag hian striker lak tura a duh ber chu Tottenham in £100m zet an chhiar Kane a ni. (Sun)
c Manchester City leh England defender Kyle Walker chuan khelhna hmun chang tam thei lo mah se Etihad Stadium-ah cham chhunzawm zel a duh. Kum 32 mi hi Aston Villa leh AC Milan ten an ngaihven. (Star)
c Newcastle leh Manchester City te chu Chelsea leh England midfielder Mason Mount lak tuma intlansiakna atangin an inhnukdawk. Kum 32 mi Mount hian nipui bazar inhawn hunah Stamford Bridge a chhuahsan ngei tura ngaih a ni. (Football Insider)
c Arsenal chuan Mount hi nipui bazar inhawn hunah lak an duh a, hei hian West Ham leh England midfielder Declan Rice lak an tum ta vak lo tih a kawk thei. (Mail)
c Arsenal chu champions league-ah tha zawka inlan turin inthuam chak an tum a. Player thar lakna tur sum tuak nen midfielder Granit Xhaka, defender Kieran Tierney leh striker Folarin Balogun te dawrtu an awm a nih chuan tha taka dawnsawn an tum. (Mirror)
c Premier League club panga laiin ngaihven bawk mahse Aston Villa chu Feyenoord captain Orkun Kokcu la tura rinkai ber a ni. (Mirror)
c Inter Milan chuan Fulham centre-back Tosin Adarabioyo lak an tum. (Sky Sports)
c Tottenham leh AC Milan te chuan Newcastle winger Allan Saint-Maximin lak tumin an mit mei a. Magpies chuan kum 26 mi Saint-Maximin manah hian £50m zet an chhiar thung. (Mirror)
c Harry Maguire chuan nipui bazar inhawn hunah Manchester United a chhuahsan a nih chuan Euro 2024 ah England lan hmun a chan phak loh zui mai a hlau ru hle. (Mail)
c Arsenal chuan defender William Saliba thlachhangdawltu tur tha tak lak an duh a, Crystal Palace centre-back Marc Guehi lak tumin an ngaihven. (Express)
c Nipui bazar inhawn hunah an manager Max Allegri a chhuak a nih chuan Juventus chuan Marseille boss Igor Tudor rawih an tum dawn. Juventus hian an manager ni tura an awh thin Antonio Conte leh Zinedine Zidane te chu an tan senso tihautak lutuk turah an ngai. (Mail)
c Manchester United leh Liverpool in an ngaihven Ajax defender Jurrien Timber chuan nipui bazar inhawn hunah chhuah tumin a inbuatsaih tih a tichiang. (Metro)
c Crystal Palace leh Ivory Coast forward Wilfried Zaha chuan champions league khelh a duh tih a puangzar a, French club Marseille pan a duh. (90 min)
c Nottingham Forest-ah loan a khel mek goalkeeper Dean Henderson chuan Manchester United chhuahsan hlen a, khelh tam theihna hmun tur pan a duh. (Football Insider)
c Manchester City leh Brentford te chuan AFC Wimbledon leh England Under-16 goalkeeper Thorsten Brits lak tumin an dawr. (Fabrizio Romano)
c Liverpool chu Sporting Lisbon nen Uruguay midfielder Manuel Ugarte chungchangah indawr turin an inhawng a. Kum 22 mi Ugarte hi Leeds, Tottenham leh Aston Villa te pawhin an ngaihven ve bawk. (O Jogo – in Portuguese)
c Manchester United, Newcastle United leh Liverpool te chuan £26.5m senga lak theih tur Nice defender Jean-Clair Todibo an ngaihven hlawm. (L’Equipe – in French)
c An club lei tuma hma la mek Qatari sumdawng ten an lei fel thei a nih chuan Manchester United chuan Paris-St Germain leh Brazil forward Neymar lak an tum dawn. (Sun)
c Borussia Dortmund leh England midfielder Jude Bellingham chuan 120m euro senga la ngam awmchhun Real Madrid zawm a thlang a. La Liga champion nen hian an la indawr fel lo thung. (AS – in Spanish)
c Mauricio Pochettino-a’n Chelsea a enkawl a nih chuan Harry Kane chu man to zawkin lak an tum ngei Tottenham chuan an ring. (Talksport)
c Brighton chu Liverpool a contract hmang zo tur James Milner lak tumin an inhmakhua. (The Athletic – subscription required)
c Chelsea chuan Inter Milan leh Cameroon goalkeeper Andre Onana thleng nan an si nghak Kepa Arrizabalaga hman an tum a. Mah se Inter Milan hian Kepa hi an lo ngaihven lem lova, a aiah England defender Trevoh Chalobah leh midfielder Ruben Loftus-Cheek te an duh zawk. (Gazzetta – in Italian)