c Brentford chuan England forward Ivan Toney chu thla riat chhung ngawt hrem ni mah se contract thar ziahpui leh an rilruk. (Mail)
-- Advertisement --
c Champions League semi-final ah Manchester City laka an tlawm vangin Real Madrid manager Carlo Ancelotti chhuahna kawng a inhawng zau leh zual. (Guardian)
c Swansea boss Russell Martin chu Southampton manager thar ni tura rinkai zingah a tel. (Sky Sports)
c Brighton winger Simon Adingra chu Germany leh France club ten an lak an duh. Adingra hian loan in Belgium club Union Saint-Gilloise-ah a khel mek a, a chetha thawkhat hle. (90min)
c Sunderland chuan Birmingham midfielder Jobe Bellingham, Dortmund leh England midfielder Jude nau chu lak tumin an dawr. (Sky Sports)
c Wales forward hlui Steve Morison chu Cardiff City in an ban atanga thla riat hnu lekah a club hlui lamah kir leh a rilruk. (Wales Online)
c Tottenham leh Bayern Munich boss Julian Nagelsmann te chu an indawr thar leh. Nagelsmann hian thutlukna a siam hmain Tottenham sporting director thar tur hriat hmasa zet a duh. (Times – subscription)
c Liverpool chuan Brighton leh Argentina midfielder Alexis Mac Allister chu mimal inremna an neihpui thei teuh tawh hle. (Fabrizio Romano)
c Mac Allister leh Ecuador midfielder Moises Caicedo ten nipui bazar inhawn hunah chhuah an tum vangin Brighton manager Roberto de Zerbi chuan an club board te chu khawi atangin pawhin Japan winger Kaoru Mitoma dawng pawh ni se hnar ngei turin a hrilh. (Football Insider)
c Real Madrid manager Carlo Ancelotti chuan an club president Florentino Perez hnenah Tottenham leh Brazil forward Richarlison la turin a ngen. (Defensa Central – in Spanish)
c West Ham manager David Moyes chuan nipui bazar inhawn hunah Hamamers chhuahsan a tum. (Football Insider)
c Arsenal, Liverpool leh Barcelona te chuan nipui bazar inhawn hunah lak turin Bayern Munich leh Germany midfielder Joshua Kimmich an ngaihven hlawm. (Marca – in Spanish)
c Manchester City leh Portugal defender Joao Cancelo chu loan a hawh mektu Bayern Munich in an lak ngheh hmel loh a, La Liga champion Barcelona in Cancelo hi an thlithlai. (Mundo Deportivo – in Spanish)
c Manchester City chuan Cancelo hi Bayern Munich lak nghehtir a, midfielder Kimmich nen inthleng an duh. (Mirror)
c Manchester City chuan Barcelona in an ngaihven Germany midfielder Ilkay Gundogan chu chelh an duh a, kum khat daih contract ziahpui a, kum khat dang pawh sei theih tur contract an zawrh dawn. (Fabrizio Romano)
c Arsenal leh Scotland defender Kieran Tierney lak tuma intlansiak zingah Newcastle United in hma an hruai a. Kum 25 mi hi Manchester City leh Aston Villa te pawhin an ngaihven ve bawk. (Football Insider)
c Chelsea chuan £40m senga lak theih tur Brentford leh Spain goalkeeper David Raya lak an duh. (Givemesport)
c West Ham chuan kum khat vel bawr chauh an la kawl Italy striker Gianluca Scamacca chu chhuahtir an tum a. Kum 24 mi hi AC Milan in an ngaihven. (Gazzetta dello Sport – in Italian)
c Tottenham chuan season tawp ruala contract hmang zo tur Hugo Lloris hmunruak luahtu atan Chelsea leh Senegal goalkeeper Edouard Mendy lak an duh. (Sun)
c Manchester United leh England defender Harry Maguire chuan Erik ten Hag hnuaiah duhsak a hlawh zawh tawh loh vangin West Ham emaw Tottenham emaw zawk zawk a pan mai thei. (Football Transfers)
c Manchester United chuan nipui bazar inhawn hunah striker thar pahnih lak an rilruk a. Atalanta leh Denmark striker Rasmus Hojlund leh Tottenham & England forward Harry Kane chu lak an tum langsar zinga mi an ni. (Times – subscription required)
c Tottenham chuan Feyenoord boss Arne Slot chu an manager thar atan ruat an tum zui zel a. Dutch club hian EPL club lakah an manager hi an chan mai ang tih an hlau hle. (Sky Sports)
c William Saliba chu club hming tarlan lohin an ngaihven hle a. Kum 22 mi France centre-back hi Arsenal chuan contract thar ziahpui ngei tumin an dawr chhunzawm zel. (Mirror)
c Chelsea leh England midfielder Ruben Loftus-Cheek chu AC Milan pan a duh niin report a awm. (Fabrizio Romano)
c West Ham chuan an manager David Moyes-a’n Europa Conference League-ah a champion pui a nih chuan nipui bazar inhawn hunah chhuah a duh a nih pawhin chhuah an phalsak dawn. (Mail)