Cricket hmanga club te inelna ropui leh sum tamna ber Indian Premier League 2023 khelh chhunzawm zel a ni a. Chennai Super Kings leh Lucknow Super Giants te play-off khel turin an tling tawh.
Chennai Super Kings hian play-off khel tura tling chiang turin an khingpui Delhi Capitals chu run 77 zetin an hneh a, hnehna lian an sual-chhuak. Delhi Capitals an hmachhawn tum hian Chennai Supper Kings hian over 20 chhungin run 223 zet an thawk-chhuak a, mi pathum chiah an out. Chennai Super Kings tan hian vuak bultantu Devon Conway leh Ruturaj Gaikwad ten an khel tha dun viau a, half century an puitlin ve ve. Conway hian ball 52 atangin run 87 a puitlin a. Gaikwad hian ball 50 atangin run 79 a puitlin ve bawk. Delhi Capital an hneh vangin Chennai team hi table-ah pahnihna an ni chiang nghal a. Play-off-ah champion lai leh table chung bera awm Gujarat Titans an hmachhawn hmasa ang.
Chennai Super Kings laka an tlawm tum hian Delhi Capitals hian over 20-ah point 146 an thawkchhuak a, mi pa-kua an out thung. Delhi Capitals tan hian David Warner chuan ball 58 atangin run 86 a siam.
Inrinni zana inkhel hmuhnawm takah Luck-now Super Giants chuan run khatin an khingpui Kolkata Knight Riders an hneh a, table-ah pathum na luah nghetin play-off khel turin an tling ve bawk. Lucknow Supper Giant tan hian Nicholas Pooran chuan ball 30 atangin run 58 a siam a. Run 1-a an chak theih nan a thawhhlawk hle.
IPL a qualifier 1-ah hian table chung bera awm leh pahnihaa awm an inhmachhawn ang a, a chak zawk zawkin final an lut chiang nghal ang. Qualifier 1-a chak lo leh qualifier 2-a chak zawk team an inhma-chhawn leh ang a, chuta chak zawk zawk chuan final an lut zui ve leh ang. IPL 2023 final hi May 28, Pathianni zanah khelh a ni ang.
IPL play-off khel tur Kings leh Giants
Get real time updates directly on you device, subscribe now.
Prev Post
Next Post