c Brighton chuan Germany midfielder Mahmoud Dahoud chu Borussia Dortmund atangin an la lut fel. (Fabrizio Romano)
-- Advertisement --
c Wolves chuan Chelsea leh Crystal Palace in lak tuma an ngaihven Gambia Under-20 forward Adama Bojang, Steve Biko FC tana khel mek an ngaihven thar ve leh. (Standard)
c Manchester United leh Chelsea midfielder Mason Mount te chuan mimal inremna an nei thei ta. Arsenal leh Liverpool te pawhin lak an duh Mount chungchangah hian Chelsea nen inremna erawh an la nei chiah lo thung. (Telegraph – subscription required)
c England defender Harry Maguire chuan nipui bazar inhawn hunah Manchester United a chhuahsan a nih chuan £10m zet hui tur a nei thei dawn. (Mail)
c Newcastle United chuan Liverpool, Real Madrid leh Barcelona ten an ngaihven Bruno Guimaraes chu chelh ngei an tum a. Brazil midfielder hi chawlhkar khatah £200,000 zet hlawh theihna tur contract thar zawrh an tum. Guimaraes hian contract thar a ziak a nih chuan Newcastle United player hlawh hnem ber a ni dawn. (Sun)
c Liverpool leh Argentina midfielder Alexis Mac Allister te chu mimal inremna neih tumin an indawr am kar tharah hi chuan inlak fel hman an duh. (Fabrizio Romano)
c Chelsea in an hawh mek Joao Felix chu a nghetin an la lut dawn lo tih an tihchian hnuin Atletico Madrid chuan Portugal forward hi Newcastle hnenah loan a hawh turin an zawrh. (Mail)
c Ruben Loftus-Cheek chuan AC Milan zawm turin Chelsea chhuahsan a remti a. AC Milan hian England midfielder manah £13m thehchhuah an tum. (La Gazzetta dello Sport via Sun)
c England captain Harry Kane chuan ram dang club aiin Manchester United zawm a duh. (Sun)
c Karem Benzema-a’n sum tama Saudi Arabia a pan a nih chuan Real Madrid chuan England leh Tottenham striker Harry Kane lak an tum dawn. (Times – subscription required)
c Saudi Arabia FA president Yasser Al-Misehal chuan a mimal tak pawhin Al-Hilal nena sawizawm Argentine Lionel Messi chu Pro League-ah khel a, Cristiano Ronaldo nen an han inel vel tur chu hmuh a chak thu a sawi. (SSC via Goal)
c Chelsea chuan nipui bazar liam taah Napoli atangin £33m senga an lak luh Senegal centre-back Kalidou Koulibaly hralhna tur an zawng dawn. (Evening Standard)
c Chelsea hian Croatia midfielder Mateo Kovacic chu Manchester City nen indawr phalna an pe bawk. (Mail)
c Manchester United, Barcelona leh Inter Milan te chuan France full-back Benjamin Pavard an ngaihven hlawm. Kum 27 mi hian Bayern Munich ah contract thar ziah a tum tawh lova, a contract neih mek hi 2024 maia tawp tawh tur a ni. (L’Equipe – in French)
c Arsenal chuan an defender pawimawh William Saliba chu tuna a hlawh lak mek let thum vel zeta tam, kar khatah £120,000 hlawh theihna tur an zawrh a. Gunners hian kum 22 mi France centre-back hi Paris St-Germain lakah an chan mai ang tih an hlau hle. (Sun)
c Nottingham Forest chuan January thlaah Newcastle atanga an lak English midfielder Jonjo Shelvey hralh an tum. (Times – subscription required)
c Burnley chuan Spain midfielder Fabian Ruiz an ngaihven. Paris St-Germain chuan Ruiz hi a man phua dawrna an dawng a nih chuan hralh an duh. (Foot Mercato – in French)
c James Ward-Prowse lak tuma intlansiak zingah West Ham in hma an hruai mek. EPL atanga tlahniam Southampton chuan kum 28 mi England midfielder manah hian £40m. an chhiar. (Sun)