French Open 2023 khelh chhunzawm zel a ni a, nilai ni khan mipa lamah player ngaihven hlawh pahnih Novak Djokovic leh Carlo Alcaraz ten hnehna changin third round an lut. Djokovic hian set hloh lova Marton Fuc-sovics a pal-tlang laiin World No. 1 Alcaraz erawh chuan Taro Danie lakah set khat a hloh ve thung.Nilai zana chak lang-sar zingah Ste-fano Tsitsipas a tel ve bawk.
Grand Slam-ah vawi 22 zet champion tawh Djo-kovic hian second round-a a khingpui Marton Fuc-sovics lakah beisei anga thain bul a tan thei bik lova, set khatnaah tie-beak khelh a ngai nghal. Harsa takin set khatna la mah se set hnuhnung pahnihah erawh a chungnung ta viau thung a, 7-6 (7-2) 6-0 6-3 a chakin third round a lut.
World No. 1 Carlo Alcaraz chuan nilaini khan Japan player Taro Daniel a hmachhawn a, set khat hloh bawk mah se awlsam takin hnehna a chang tho thung. Alcaraz hian set khatnaah goal khat chauh a hloh a. Set hnihnaah game thum chauh lain set a hloh ve thung. Set hnihna a hloh hnuin set thumna leh set linaah awlsam takin set a la zui leh a, 6-1 3-6 6-1 6-2 a hnehna changin third round a lut. Alcaraz leh Djokovic te hi semi-final a intum thei an ni a, an pahnih hian ngaihven an hlawh dun hle.
Nilai zan vek khan Tsitsipas chuan Roberto Carballes Baena chu 6-3 7-6 (7-4) 6-2 a hnehin third round a lut ve bawk.
Djokovic leh Alcaraz an chak
Get real time updates directly on you device, subscribe now.
Prev Post
Next Post