c Lyon leh France midfielder Houssem Aouar lak tuma intlansiak an pung zel a. Napoli chuan Aour lak tuma intlansiak mek AC Milan, Roma, Eintracht Frankfurt leh Real Betis te an fin ve le ta. (Calciomercato – in Italian)
-- Advertisement --
c Champions league khel tura Tottenham an tling zo lo a nih chuan Manchester United chuan England striker Harry Kane chu Tottenham atangin lak theih an inbeisei. (Sun)
c Newcastle United chuan £30m chuanga lak ngai tur Arsenal leh Scotland defender Kieran Tierney lak an tum. (Telegraph – subscription required)
c Chelsea, Liverpool leh Manchester City te chuan nipui bazar inhawn hunah RB Leipzig leh Croatia defender Josko Gvardiol lak an tum hlawm. (Fabrizio Romano)
c Paris St-Germain forward Lionel Messi chuan Barcelona atanga PSG a zawm tir khan Paris khawpuiah insiamrem harsa tiin hun harsa tak an hmang tih a sawi a. Season tawp ruala contract hmang zo tur Messi hian tunah erawh chuan hun ropui tak hmang niin a inngai tawh thung. (Goal)
c Arsenal chuan kum 23 mi English winger Reiss Nelson chu contract thar ziak turin an hmin theih ngei an inring. (Mail)
c Manchester United in lak tum ve bawk mah se Arsenal chuan Napoli leh Nigeria striker Victor Osimhen lak tuma intlansiak zingah hma an hruai. (Rai, via Mirror)
c Chelsea in champions league an khel phak lo a nih chuan a hma lam hun tura thutlukna a siam turah nghawn a nei thei dawn niin Portugal striker Joao Felix chuan a sawi thawi zauh. Blues hian kum 23 mi Felix hi Atletico Madrid atangin an hawh a, London club tan a che chhe lem lo hle. (Telegraph – subscription required)
c Season tawp ruala contract hmang zo tur France midfielder Adrien Rabiot chuan champions league-a Juventus an tlin chu a hma lam hun atan thil pawimawh tak a nih thu a sawi. (DAZN, via Tuttomercatoweb)
c Borussia Dortmund leh England midfielder Jude Bellingham chuan Manchester United aiawhte nen inhmuh theihna hun remchang an neih a hnar. (FourFourTwo)
c Aymeric Laporte chuan nipui bazar inhawn hunah Manchester City chhuahsan a duh a. Barcelona chu kum 28 mi Spain defender la lut turin an inring. (Mundo Deportivo – in Spanish)
c Tottenham chuan Southampton leh English midfielder James Ward-Prowse lak an rilruk. (Football Insider)
c Manchester United boss Erik ten Hag chuan nipui bazar inhawn hunah Netherlands midfielder Frenkie de Jong lak luh ngei a duh. Kum 25 mi De Jong hian Barcelona chhuahsan a duh lo thung. (Caught Offside)
c United chuan season tawp hunah free transfer-a lak theih tur Juventus leh France midfielder Adrien Rabiot lak an tum bawk. (Football Insider)
c England defender Harry Maguire chu Manchester United in nipui bazar inhawn huna hralh an tum zingah a tel. (90min)
c Leeds United chuan Burnley in lak an tum Ryan Kent an chuhpui dawn. Kum 26 mi hian season tawp rualin Rangers-a a conrtract a hmang zo dawn. (Football Insider)