Football titi

c Roma coach Jose Mourinho chuan a club hlui Manchester United atangin Brazil midfielder Fred lak a duh. (Sun)

c Slovakia centre-back Milan Skriniar chuan Inter Milan-a contract a hman zawh hnuin Paris St-Germain chu free transfer in zawm a tum. (Goal)

c Manchester City chu Portugal winger Bernardo Silva manah £45m -£50m pawm turin an inring. (Football Insider)

c Andre Onana chuan Saudi Arabia atanga sawmna a hnar a, Manchester United pan a duh zawk. (90min)

c Newcastle United chuan England defender Marc Guehi chu Crystal Palace in £60m. zet chhiar mah se lak tumin an ngaihven tho. (Football Insider)

c Liverpool midfielder Thiago Alcantara chu ram dang club in an ngaihven a, ngaihventu zingah hian Saudi Arabia club pawh an tel. Alcantara hian ngaihventu nei bawk mah se mumal taka dawrna Liverpool in an la dawng lo thung. (Times – subscription required)

c Arsenal chuan £105m sengin England midfielder Declan Rice lak an tumna chu a hmawr bawk a hnai ta a. Arsenal leh West Ham te hi Rice man inpek dan turah an inrem thei ta a, Arsenal hian tum thum pein Rice man an rul tla ang. (Guardian)

c Arsenal chuan an hnen atanga chhuak tur Granit Xhaka thlaktu atan RB Leipzig chu an midfielder Benjamin Henrichs chungchangah an dawr. (Sky Germany via Metro)

c Gunners hian Leverkusen right-back Jeremie Frimpong lak tumin hma an la bawk. (Bild via Daily Record)

c Arsenal, Manchester City, Manchester United leh Tottenham te chu Red Bull Salzburg leh Israel midfielder Oscar Gloukh ngaihven zingah an tel. (Guardian)

c Brighton leh Spain goalkeeper Robert Sanchez chu Manchester United in lak an tum zingah a tel tih tarlan a ni. (Mail)

c Barcelona chuan Athletico Paranaense atangin rawlthar kum 19 mi Vitor Roque an la thei dawn ta a. Brazil forward an lak luh hmain hlawh atana an senso an tihhniam hmasak zet a ngai dawn thung. Vitor Roque hian a club thar tur Barcelona hi tun nipui bazar emaw, thlasik bazarah emaw, nakum nipui bazar inhawn leh hunah emaw a zawm fel ang. (Sport – in Spanish)

c Barca chuan Real Madrid hmakhalhin Arda Guler chu Fenerbahce atangin an lak theih hmel ta hle. Guler ngaihventu dang AC Milan leh Borussia Dortmund te erawh chu beidawngin an inhnukdawk ta thung. (Sport – in Spanish)

c Guler hian Arsenal leh Sevilla atangin sawmna a dawng a, amah hi chuan Real Madrid zawm a thlang zawk thung. (AS – in Spanish)

c Real chuan Inter Milan hnenah Argentina striker Lautaro Martinez man an chhiarna zat hrilh hre turin an ngen. (Sport – in Spanish)

c Paris St-Germain leh Christophe Galtier te chuan mutually agreed an nei thei ta. PSG manager thar ni tura ngaih Luis Enrique nen an thawk dun thei dawn. (L’Equipe – in French)

c PSG in an manager thar atan Enrique an ruat fel rualin player paruk vel ngawt an la lut nghal thawt dawn a. An lak luh turte hi left-back Lucas Hernandez, defensive midfielder Manuel Ugarte, attacking midfielder Kang-in Lee, 22, winger Marco Asensio, centre-back Milan Skriniar leh midfielder Cher Ndour te an ni. (Fabizio Romano)

c Brighton chuan Ajax leh Nigeria centre-back Calvin Bassey an ngaihven thar leh. (The Athletic – subscription required)

c Almeria chuan Everton leh Italian club pahnihin Mali striker El Bilal Toure lei dilna an thehlut tih an sawi. (Diario de Almeria – in Spanish)

c England winger Callum Hudson-Odoi chuan Chelsea chhuahsan turin thutlukna a siam fel ta a, AC Milan a zawm hmel ta hle. (Metro)

c Chelsea in ngaihven thar bawk mah se Southampton right-back Tino Livramento chuan Newcastle United zawm a thlang zawk. (Mail)

c Arsenal chuan Folarin Balogun an hralh phal a, USA striker manah hian £50m an chhiar. (Mirror)

c Arsenal leh France defender William Saliba te chu contract thar chungchangah an inrem thei ta a, kum 22 mi hian hian kum 2017 thleng Emirates Stadium-a cham turin contract thar a ziak dawn. (Fabrizio Romano)

c Belgium midfielder Albert Sambi Lokonga chuan nipui bazar inhawn chhungin Arsenal chhuahsan a duh. (Mirror)

c Spain midfielder hlui Andres Iniesta chu Vissel Kobe a chhuahsan hnuin Inter Miami leh Saudi Arabia club ten an hnena khel turin an sawm. (RAC1 – in Catalan)