Football titi

c Tottenham striker Harry Kane chuan nipui bazar inhawn chhungin Paris St-Germain zawma duh lo. Kum 29 mi Kane hian PSG aiin Bayern Munich zawm a duh zawk a. Vawi hnih dawr hlawhchham tawh Bayern hian Tottenham an dawr leh thuai tura ngaih a ni. (Telegraph – subscription required)

c An player pawimawh Harry Kane a chhuak a nih chuan Tottenham chuan January thla thleng football-ah inhnamhnawih loh tura hrem tuar mek Brentford striker Ivan Toney lak tumin an ngaihven. (Football Transfers)

c Mbappe-a’n contract thar a ziak tawh dawn loh tih a hrilh hriat hnua a vawi khat nan PSG president Nasser Al-Khelaifi chuan France striker Kylian Mbappe chu hmaichhanah hmuh a, titi pui thuai a tum. (Sky Sports)

c Chelsea chuan tun kar chhungin Brighton midfielder Moises Caicedo dawr nawn leh an tum a. Blues hian mimal inremna an lo neihpui tawh Caicedo mahah hian £70m chuang thehchhuah an inhuam tawh. (Standard)

c England striker Marcus Rashford chuan kum 2028 thleng cham turin Manchester United-ah contract thar a ziak leh dawn a. Rashford hian kar khatah £325,000 a hlawh ang a, Manchester United player hlawh hnem ber a ni dawn. (Times – subscription required)

c West Ham in £45m senga Portugal midfielder Joao Palhinha an dawrna chu Fulham an hnar. Hammers in loan a Harry Maguire hawh an dilna chu Manchester United in an uksak lo viau bawk. (Guardian)

c West Ham hian Manchester United in lak tuma an ngaihven Bayern Munich leh Germany midfielder Leon Goretzka an ngaihven thar ve leh bawk. (Sky Germany)

c Manchester United chu Atalanta leh Denmark striker Rasmus Hojlund dawr turin an inpuahchah. (Telegraph – subscription required)

c Inter Milan chuan Arsenal in £50m an chhiar United States striker Folarin Balogun chu £34.3m sengin lak theih an inbeisei. (Athletic – subscription required)

c Manchester City atanga loan a England Under-21 forward Cole Palmer hawh tuma inel zingah Brighton chuan Burnley leh Leicester City hmakhalhin hma an hruai mek. (Telegraph – subscription required)

c Brighton chuan Fulham hmakhalhin Fiorentina defender Igor lak ngei an tum. (Standard)

c Burnley, Leicester leh Sheffield United te chuan Manchester United leh Ivory Coast winger Amad Diallo an ngaihven hlawm. (Mail)

c Wolverhampton Wanderers chuan German club Borussia Monchengladbach atanga Switzerland international defender Nico Elvedi lak tumin an dawr. (Express & Star)

c Leeds United leh Chelsea te chu Wales defender Ethan Ampadu manah £7m leh pek belh leh theih turin an inrem. (Athletic – subscription required)

c Saudi Arabian side Al-Nassr chuan Aston Villa in lak an tum Bayer Leverkusen leh France striker Moussa Diaby chuhpui an tum. (Mail)

c Nottingham Forest leh Manchester United te chu loan a England goalkeeper Dean Henderson hawh chungchangah an indawr. (Athletic – subscription required)

c Watford chuan English defender Jamal Lewis chu Newcastle atanga hawh tumin an ngaihven. (Mail)

c West Ham leh Jamaica striker Michail Antonio chu Saudi Arabian club Al-Ettifaq nen an indawr tan. (Times – subscription required)

c Champions League khel tur Newcastle chuan rinlawk loh takin veteran Italy leh Juventus centre-back Leonardo Bonucci lak an tum teh tlat. (TEAMtalk)

c West Ham chuan Juventus midfielder Denis Zakaria lak tumin hma an la. Hammers hian kum 26 mi Switzerland international hi loan in hawh hmasak zet a, £15.4m seng lak ngheh zui atan an duh. (Guardian)