Forensic lamah thawkdun dawn
Directorate of Forensic Science Laboratory Mizoram leh National Forensic Sciences University (NFSU) Gujarat chuan kumin April 3 khan thawhdunna tur thuthlung, memorandum of understanding an ziak.
NFSU hi kum 2009-a din a ni a, October 2020 ah ram tana zirna in pawimawh dinhmun pe in, central university-ah hlankai a ni. India sawrkarin Centre of Excellence-ah a puang tawh bawk.
Forensic Science Laboratory (FSL) Mizoram hotute sawi danin, NFSU hi forensic sciences university hmasa ber niin, thawhdun pui hi international-ah 102 leh national-ah 147 a nei tawh a, chu’ng zingah chuan FSL Mizoram tel ve in, state tan hmasawnna rahbi pawimawh tak a ni.
MoU-ah hian FSL Mizoram-in kawng hrang hranga hma a sawn theihna tur duan niin, hmarua la neih loh khawl tha mamawh angte an hmanpui thei anga, case exam theih lohte a tul angin thawn theih a ni dawn a ni.
FSL Mizoram a changtlun lehzual theihna turin technical support, Joint Research Project, infrastructural development leh special training programme chu NFSU hian FSL Mizoram mamawh angin a pe thin dawn a ni.
MoU hi FSL director T Lalropuia leh campus director Prof Dr Naveen Chaudhari ten NFSU Gujarat-ah an ziak a ni.
Forensic lamah thawkdun dawn
Get real time updates directly on you device, subscribe now.